​అసహజ శృంగార కోరిక‌లు.. భర్తపై ఫిర్యాదు!

తన భర్త అసహజమైన శృంగార కోరికలతో తనను ఇబ్బంది పెడుతున్నాడని, వికృతంగా ప్రవర్తిస్తూ తనను హింసిస్తున్నాడని పోలీసులకు ఫిర్యాదు చేసింది ఒక వనిత. అతడికి తను సహకరించకపోవడంతో తనను మానసికంగా హింసిస్తున్నాడని ఆమె పేర్కొంది. తన నగ్న వీడియోలను తీసి వాటిని సోషల్ మీడియాలో పెడతానని బెదిరిస్తున్నాడని ఆమె ఆవేదన వ్యక్తం చేసింది. బెంగళూరు పరిధిలోని బసవనగుడి పోలీస్ స్టేషన్ లో నమోదైన ఈ ఫిర్యాదు వివరాలు ఇలా ఉన్నాయి.

బాధితురాలికి గత ఏడాది ఏప్రిల్ లో వివాహం అయ్యింది. తొలి రేయి నుంచినే భర్త తన వికృత రూపాన్ని ప్రదర్శించ సాగాడు. అసజమైన రీతిలో శృంగారం చేయాలని ఆమెపై ఒత్తిడి చేశాడు. నీలి చిత్రాలు చూడాలని ఒత్తిడి చేసి, వాటిల్లో చేసినట్టుగా చేయాలని ఆమెను ఇబ్బంది పెట్టసాగాడు. ఈ విషయంలో ఆమె సహకరించకపోవడంతో కూల్ డ్రింక్ లోకి మద్యం కలిపి తాగించి ఆమెపై లైంగిక వేధింపులకు పాల్పడసాగాడు.

అదే సమయంలో ఆమెతో లైంగిక చర్యను వీడియోగా రికార్డు చేశాడు. తన లైంగిక స్వభావం గురించి ఎవరికైనా చెబితే వాటిని నెట్ లో పెడతాను అని ఆమెను బెదిరించ సాగాడు. అలాగే ఆమెపై అదనపు కట్నం వేధింపులు కూడా మొదలుపెట్టాడు. చివరకు తనను ఇంటి నుంచి గెంటేశాడని, కట్నం కింద ఏడు లక్షలు తీసుకుని ఇప్పుడు తనను రోడ్డున పడేశాడని బాధితురాలు పోలీసులకు ఫిర్యాదు చేసింది. ఈ మేరకు కేసు నమోదు చేసి, విచారణ జరుపుతున్నట్టుగా పోలీసులు తెలిపారు.