ప్రియుడి దుర్మార్గం.. యువతిపై క్లాస్‌మేట్ల అత్యాచారం!

ఓ యువతి (19)పై ఆమె స్నేహితులే దారుణానికి ఒడిగట్టారు. పెళ్లి చేసుకునే ఉద్దేశం లేని ఆమె ప్రియుడు.. మరో ఇద్దరు మిత్రులతో కలిసి కుట్రపన్ని ఆమెను గ్యాంగ్ రేప్ చేశారు. పంజాబ్‌ రాష్ట్రంలోని జలంధర్‌లో ఈ కిరాతకం చోటు చేసుకుంది. తల్వాణ్‌ గ్రామానికి చెందిన ఓ యువతి, హర్ ప్రీత్ సింగ్‌ (20) గత కొంత కాలంగా ప్రేమించుకుంటున్నారు. జీవితంలో బాగా సెటిలైన తర్వాత పెళ్లి చేసుకోవాలని నిర్ణయించుకున్నారు. కానీ, ఈలోగా ఆ యువకుడి మనసు మారింది. ఆ యువతిపై మోజు తీరిన హర్ ప్రీత్.. ఎలాగైనా ఆమెను వదిలించుకోవాలనుకున్నాడు.

జులై 20న సదరు యువతిని.. హర్ ప్రీత్ తన తల్లిదండ్రులకు పరిచయం చేస్తానని నమ్మబలికి రాత్రి 10.30 గంటల ప్రాంతంలో బైక్‌పై ఎక్కించుకొని తీసుకెళ్లాడు. మార్గ మధ్యలో ఆమెను అతడి మిత్రులైన బిందు, రవి బైక్‌ ఎక్కించి.. తన తల్లిదండ్రులను తీసుకొస్తానని మాయ మాటలు చెప్పి అతడు వెళ్లి పోయాడు.

వారిద్దరూ ఆ యువతిని నిర్మానుష్య ప్రాంతానికి తీసుకెళ్లి అత్యాచారం చేశారు. ఆ తర్వాత ఓ గదికి తీసుకెళ్లి మళ్లీ అత్యాచారం చేశారు. ఈ మేరకు బాధితురాలు పోలీసులకు ఫిర్యాదు చేయడంతో కేసు నమోదు చేసి, దర్యాప్తు చేస్తున్నారు.

ప్రధాన నిందితుడు హర్ ప్రీత్ సింగ్‌ను జలంధర్‌ పోలీసులు ఇప్పటికే అదుపులోకి తీసుకొన్నారు. నిందితులందరూ ఒకే గ్రామానికి చెందిన వారని, సదరు యువతి క్లాస్‌మెట్సేనని పోలీసులు తెలిపారు. త్వరలోనే ఆ ఇద్దరిని కూడా అదుపులోకి తీసుకుంటామని పోలీసులు పేర్కొన్నారు.