తనతో అక్రమ సంబంధానికి నిరాకరించిన మహిళ ఇంటికి నిప్పంటించాడో ప్రబుద్ధుడు. ఈ ఘటన కృష్ణా జిల్లా నూజివీడులో చోటుచేసుకుంది. పోలీసులు తెలిపిన వివరాల ప్రకారం స్థానిక బాపూనగర్ రోడ్డులో ఓ మహిళ భర్త నుంచి విడిపోయి ఒంటరిగా ఉంటోంది. ఓ ప్రభుత్వ సంస్థలో హౌస్ కీపర్గా పనిచేస్తూ కూతురు, తల్లితోపాటు జీవనం సాగిస్తోంది. అదే ప్రాంతానికి చెందిన తలారి రవి అనే వ్యక్తి కళ్లు ఆమె మీద పడ్డాయి. ఒంటరిగా ఉండే ఆమెను అక్రమ సంబంధం పెట్టుకోవాంటూ కొంత కాలంగా రవి వేధిస్తున్నాడు.
అతని ప్రతిపాదనను నిరాకరించడంతో ఆమెపై కక్ష గట్టాడు. శనివారం రాత్రి ఆమె తల్లి, కూతురుతో కలిసి గాంధీనగర్లోని తమ బంధువుల ఇంటికి వెళ్లింది. దీన్ని గమనించిన నిందితుడు రవి తన కోరిక తీర్చలేదనే కోపంతో ఆదివారం తెల్లవారుజామున 2 గంటల ప్రాంతంలో ఆ మహిళ ఇంటికి వెళ్లాడు. తలుపులు పగులగొట్టి లోనికి ప్రవేశించి ఇనుప బీరువాను ధ్వంసం చేశాడు. అందులోని రూ.20 వేల నగదు, నాలుగు కాసుల బంగారాన్ని దొంగిలించి ఆ తర్వాత ఇంటిలోని సామాన్లపై పెట్రోలు పోసి నిప్పంటించాడు.
ఇళ్లంతా మంటలు వ్యాపించడంతో స్థానికులు అక్కడకు చేరుకుని మంటలు ఆర్పే ప్రయత్నం చేశారు. కాస్త ఆలస్యమైతే ఇంటిలో ఉన్న గ్యాస్ సిలిండర్ పేలి ఘోర ప్రమాదమే జరిగేది. ఈ ఘటనపై రవిని అనుమానించిన చుట్టుపక్కల మహిళలు ఆదివారం అతనిని చెట్టుకు కట్టేసి పోలీసులకు సమాచారం అందించారు. సమాచారం అందుకున్న పోలీసులు ఘటనా స్థలానికి చేరుకుని నిందితుడి అదుపులోకి తీసుకుని విచారణ చేపట్టారు. నిందితుడు రవికి వివాహమై భార్య, ఇద్దరు పిల్లలు కూడా ఉన్నారు
అతని ప్రతిపాదనను నిరాకరించడంతో ఆమెపై కక్ష గట్టాడు. శనివారం రాత్రి ఆమె తల్లి, కూతురుతో కలిసి గాంధీనగర్లోని తమ బంధువుల ఇంటికి వెళ్లింది. దీన్ని గమనించిన నిందితుడు రవి తన కోరిక తీర్చలేదనే కోపంతో ఆదివారం తెల్లవారుజామున 2 గంటల ప్రాంతంలో ఆ మహిళ ఇంటికి వెళ్లాడు. తలుపులు పగులగొట్టి లోనికి ప్రవేశించి ఇనుప బీరువాను ధ్వంసం చేశాడు. అందులోని రూ.20 వేల నగదు, నాలుగు కాసుల బంగారాన్ని దొంగిలించి ఆ తర్వాత ఇంటిలోని సామాన్లపై పెట్రోలు పోసి నిప్పంటించాడు.
ఇళ్లంతా మంటలు వ్యాపించడంతో స్థానికులు అక్కడకు చేరుకుని మంటలు ఆర్పే ప్రయత్నం చేశారు. కాస్త ఆలస్యమైతే ఇంటిలో ఉన్న గ్యాస్ సిలిండర్ పేలి ఘోర ప్రమాదమే జరిగేది. ఈ ఘటనపై రవిని అనుమానించిన చుట్టుపక్కల మహిళలు ఆదివారం అతనిని చెట్టుకు కట్టేసి పోలీసులకు సమాచారం అందించారు. సమాచారం అందుకున్న పోలీసులు ఘటనా స్థలానికి చేరుకుని నిందితుడి అదుపులోకి తీసుకుని విచారణ చేపట్టారు. నిందితుడు రవికి వివాహమై భార్య, ఇద్దరు పిల్లలు కూడా ఉన్నారు