​తనకన్నా పెద్దమ్మాయిని ప్రేమించి, మోసం చేసిన యువకుడు!

ప్రేమించాను అంటూ వెంటబడ్డాడు.. నువ్వు నాకన్నా చిన్నోడివి అని ఆ యువతి అతడిని తిరస్కరించింది.. కానీ, వదలకుండా ఆమె వెంటపడ్డాడు. ప్రేమ పేరుతో ఆమెకు దగ్గరయ్యాడు. రెండు సంవత్సరాల పాటు ఆమెతో ఆనందంగా గడిపాడు. ఆ క్రమంలో ఆమె గర్భం దాల్చింది. మళ్లీ మాయమాటలతో గుట్టుచప్పుడు కాకుండా అర్బాషన్ చేయించి.. అంతటితో తన బాధ్యత తీరిపోయిందని, ఆ యువకుడు అమెను వదిలించుకోయత్నిస్తున్నాడు. అయితే పట్టువదలని ఆ యువతి ఆ యువకుడి ఇంటి ముందు కూర్చుంది. ఆ యువకుడేమో పరారీలో ఉన్నాడు.

తెలంగాణ రాష్ట్రంలోని మమబూబాబాద్ లో ఈ సంఘటన చోటు చేసుకుంది. పట్టణ శివారు ప్రాంతంలోని ఆకుల లక్ష్మయ్య కాలనీలోని బోడా సురేష్(22) అనే యువకుడు తనను మోసం చేశాడని అదే ప్రాంతానికి చెందిన యువతి(23) ఆరోపిస్తోంది. బ్యూటీషియన్ కోర్సు చేసిన ఆ యువతిని ప్రేమిస్తున్నానంటూ సురేష్ వెంట పడ్డాడట. అయితే వయసులో చిన్నవాడివి, వెంట పడవద్దు అని ఆ యువకుడికి ఆమె చెప్పిందట. కానీ అతడు వదలకుండా ఆమెకు దగ్గరయినట్టుగా తెలుస్తోంది.

ఈ క్రమంలో తాము శారీరకంగా దగ్గర అయ్యామని.. పలితంగా తను గర్భం దాల్చాను అని, సురేష్ తనకు అబార్షన్ చేయించాడని ఆ యువతి చెబుతోంది. ఆ తర్వాత తనను పట్టించుకోవడం లేదని ఆమె వివరించింది. రెండేళ్ల పాటు తాము కలిసి తిరిగామని.. ఇప్పుడు తనను వదిలించుకోవడానికి అతడు యత్నిస్తున్నాడని ఆమె చెప్పింది. యువకుడి ఇంటి ముందే కూర్చుని పోరాటం మొదలు పెట్టింది. ఆమెకు మహిళా సంఘాలు మద్దతు పలుకుతున్నాయి. సురేష్ పరారీలో ఉన్నట్టుగా తెలుస్తోంది.