సోనీ ఎక్స్‌పీరియా ఎక్స్‌జెడ్‌పై రూ.10వేల తగ్గింపు!

ప్రముఖ టెక్ దిగ్గజం సోనీ తన ఎక్స్‌పీరియా ఎక్స్‌జెడ్ స్మార్ట్‌ఫోన్ ధరను భారీగా తగ్గించింది. గతేడాది సెప్టెంబర్‌లో విడుదలైన ఈ ఫోన్ అసలు ధర రూ. 51,990. అయితే దీనిపై ప్రస్తుతం రూ. 10,000 తగ్గంపు ఇస్తోంది. అంటే ఇప్పుడు ఈ ఫోన్ రూ. 41,990కి లభిస్తోంది. ఈ తగ్గింపు ధరపై సోనీ ఎలాంటి ప్రకటన విడుదల చేయనప్పటికీ.. తన అధికారిక వెబ్‌సైట్‌లో వెల్లడించింది. అలాగే థర్డ్ పార్టీ ఈ-కామర్స్ వెబ్‌సైట్లలోనూ కంపెనీ చెప్పిన ధరకంటే తక్కువకే లభించడం విశేషం.

ఫ్లిప్‌కార్టులో ఎక్స్‌పీరియా ఎక్స్‌జెడ్ డ్యుయల్ మొబైల్ ధర రూ. 39,990గా ఉంది. అమెజాన్ ఇండియా కూడా ఇదే ధరకు విక్రయిస్తోంది. కాగా, ట్రిపుల్ ఇమేజ్ సెన్సింగ్ టెక్నాలజీతో కూడిన 23ఎంపీ వెనుక కెమెరాతో సోనీ ఎక్స్‌పీరియా ఎక్స్‌జెడ్ అద్భుతంగా ఉంటుంది. సెల్ఫీల కోసం కూడా 13ఎంపీ ముందు కెమెరా ఉంది. ఈ సెల్ఫీ కెమెరాతో అతి తక్కువ వెలుతురులో కూడా ఫొటోలు అద్భుతంగా వస్తాయి.

5.2 అంగుళాల ఫుల్ హెచ్‌డీ డిస్ప్లేతో లభిస్తోన్న ఈ ఫోన్‌కు గొరిళ్లా గ్లాస్ 4 ప్రొటెక్షన్ కూడా ఉంది. 2.15 గిగాహెడ్జ్ క్వాడ్-కోర్ క్వాల్‌కామ్ స్నాప్‌డ్రాగన్ 820 ప్రాసెసర్‌తో ఈ ఫోన్ పనిచేస్తుంది. 3జీబీ ర్యామ్, 32జీబీ/64జీబీ ఇంటర్నల్ స్టోరేజీ (మైక్రోఎస్డీతో 256జీబీ వరకు పెంచుకోవచ్చు) తదితర ఫీచర్లున్నాయి.