ఆజాద్ వ్యాఖ్యలపై రాజ్యసభలో దుమారం

కాంగ్రెస్ సభ్యుడు గులాం నబీ ఆజాద్ నోట్ల రద్దుపై చేసిన వ్యాఖ్యలపై శుక్రవారం రాజ్యసభలో దుమారం రేగింది. ఉడీ ఘటనలో చనిపోయిన సైనికుల కన్నా నోట్ల రద్దు అనంతరం చనిపోయిన వారి సంఖ్యే ఎక్కువ అని ఆజాద్ చేసిన వ్యాఖ్యలను ఖండిస్తూ సభలో బీజేపీ సభ్యులు నిరసన వ్యక్తం చేశారు.

టెర్రరిస్టుల ఘాతుకాన్ని...సామాన్య ప్రజల చావులతో పోల్చడమేంటనీ సభ్యులు మండిపడ్డారు. ఆజాద్ చేసిన వ్యాఖ్యలపై క్షమాపణ చెప్పాలని బీజేపీ సభ్యులు పట్టబట్టారు.

ఆజాద్ వ్యాఖ్యలు తీవ్రవాదాన్ని ప్రేరేపిస్తున్నట్లుగా ఉన్నాయని కేంద్రమంత్రి వెంకయ్యనాయుడు మండిపడ్డారు.

బాధ్యతగల పదవిలో ఉన్న ఆజాద్...జాతి వ్యతిరేక వ్యాఖ్యలు చేయడం దురదృష్టకరమని పార్లమెంటరీ వ్యవహారాల మంత్రి అనంత్ కుమార్ అన్నారు.

సభ సజావుగా సాగకపోవడంతో చైర్మన్ సభను కాసేపు వాయిదా వేశారు.