అడ్డు తగలకండి : హిల్లరీ

అమెరికా అధ్యక్ష ఎన్నికలు దగ్గర పడుతున్న తరుణంలో ఎన్నికల ప్రచారం ఒక రేంజ్ లో సాగుతోంది. అయితే డెమోక్రటిక్‌ అభ్యర్థిని హిల్లరీ క్లింటన్‌ రీసెంట్ గా ఫ్లోరిడాలో జరిగిన సభలో మాట్లాడుతుండగా ట్రంప్‌ మద్దతుదారుడు ఆమె ప్రసంగానికి అడ్డుతగిలారు. దీంతో ఆమె చాలా సీరియస్ అయ్యారు.

మీరు అనవసరం నా స్పీచ్ కు అడ్డు తగలకండి అని కోపడ్డారు. తర్వాత ట్రంప్‌ పై మాటల అస్త్రాలు విసిరారు. ట్రంప్‌ తన నోటి దురుసుతనంతో అధ్యక్ష పదవికి అర్హుడు కాదని నిరూపించుకున్నాడన్నారు.

30 ఏళ్లుగా ట్రంప్‌ మ‌హిళ‌ల‌ను కించ‌ప‌రుస్తూనే ఉన్నార‌ని ఆరోపించారు. మ‌రోవైపు రిప‌బ్లిక‌న్ అభ్య‌ర్థి ట్రంప్ కూడా ప్ర‌త్య‌ర్థిపై విరుచుకుప‌డ్డారు. హిల్ల‌రీ అవినీతిప‌రురాల‌ని, అమెరికా ఆరోగ్య వ్య‌వ‌స్థ‌ను ఆమె పూర్తిగా దెబ్బ‌తీస్తుంద‌ని విస్కిన్‌స‌న్ స‌భ‌లో విమ‌ర్శించారు. ఎన్నిక‌ల స‌మ‌యం వారం రోజులు కూడా లేక‌పోవ‌డంతో ఇద్ద‌రి అభ్య‌ర్థుల మ‌ధ్య మాట‌ల వేడి మ‌రింత పెరిగింది.