ఎన్నికల్లో గెలిచిన భారత అమెరికన్లు వీరే!

అమెరికా అధ్యక్ష ఎన్నికల్లో రిపబ్లికన్‌ పార్టీకి చెందిన డొనాల్డ్‌ ట్రంప్‌ ఘన విజయం సాధించిన సంగతి తెలిసిందే. 300 కంటే ఎక్కువ స్థానాల్లో విజయం సాధించిన ట్రంప్ అమెరికాకు 45వ అధ్యక్షుడిగా బాధ్యతలు చేపట్టనున్నారు. ఈ ఎన్నికల్లో భారత సంతతికి చెందిన కొందరు వ్యక్తులు కూడా విజయకేతనం ఎగురవేశారు. కాలిఫోర్నియా అటార్నీ జనరల్ అయిన కమలా హారిస్ సెనెటర్‌గా ఎన్నికయ్యారు. వ్యాపారవేత్త, రాజకీయ నాయకుడైన రాజా కృష్ణమూర్తి ఇల్లినాయిస్ నుంచి గెలుపొందారు. వీరితో పాటు ప్రమీలా జయపాల్, రోహిత్ ‘రో’ ఖన్నా, అమీ బెరా కూడా అమెరికా సెనెటర్లుగా ఎన్నికయ్యారు. అయితే వీరంతా డెమొక్రటిక్ పార్టీ నుంచి గెలుపొందడం విశేషం.

జనవరి 20న మధ్యాహ్నం అమెరికా అధ్యక్షుడిగా ట్రంప్‌ ప్రమాణ స్వీకారం చేయనున్నారు. అదే రోజు మధ్యాహ్నానికి ప్రస్తుత అధ్యక్షుడు బరాక్‌ ఒబామా పదవీ కాలం ముగియనుంది. ముందుగా అమెరికా ఉపాధ్యక్షుడు ప్రమాణ స్వీకారం చేసిన తర్వాత అధ్యక్షుడు ప్రమాణం చేస్తాడు.