అంతరిక్షం నుంచి ఓటేశారు

అమెరికా కొత్త అధ్యక్షుడు అయ్యేది ఎవరో ప్రపంచమంతా ఆసక్తిగా ఎదురుచూస్తోంది. ఇక అగ్రరాజ్యానికి చెందిన ఓటర్లకు మరింత ఆతృతగా ఉంటుంది. మంగళవారం మధ్యాహ్నం నుంచి పోలింగ్ ప్రక్రియ ప్రారంభమైంది. కాగా ఇద్దరు ఆస్ట్రోనాట్స్ తమ ఓటును అంతరిక్షం నుంచే వేశారు. భూమికి 17వేల మైళ్ల దూరంలో ఉన్న ఇద్దరు వ్యోమగాములు అంతరిక్షం పరిశోధన సంస్థ నుంచే ఓటు హక్కును వినియోగించుకున్నారు. ఎలక్ట్రానిక్ బ్యాలెట్ ద్వారా వారు తమ ఓటును వేశారు. ఈ విషయానని నాసా ప్రకటించింది. కేట్ రాబిన్స్, షేన్ కింబ్రో అనే వ్యోమగాములు ఇలా అంతరిక్షం నుంచి ఓటేశారు.

అమెరికన్ పౌరులై ఉండి... వారు అంతరిక్షంలో ఉన్న సమయంలో పోలింగ్ జరిగితే వారికి టెక్నికల్ ఓటింగ్ ప్రక్రియను చాలా ఏళ్ల కిందటే పరిచయం చేశారు. 1997లో టెక్సాస్ చట్ట సభలు ఆ బిల్లును పాస్ చేశాయి కూడా. ఇలా అంతరిక్షం నుంచి ఓటేయడానికి ఏడాది ముందు నుంచే వ్యోమగాముల ఓటింగ్ ప్రక్రియ మొదలవుతుంది. ఏడాది ముందుగానే వారు ఏ ఎన్నికల్లో అంటే స్థానిక, రాష్ట్ర లేక ఫెడరల్ ఎన్నికల్లో అంతరిక్షం నుంచి ఓటేయాలనుకుంటున్నారో ముందుగానే చెప్పాలి. 1997లో మొదటిసారి అంతరిక్షం నుంచి డేవిడ్ వోల్ఫ్ అనే వ్యోమగామి ఓటేశాడు.