ట్రంప్ వస్తే.. భారతీయులకు గడ్డుకాలమేనా?!

రిపబ్లికన్‌ అభ్యర్థి డోనాల్డ్ ట్రంప్.. అమెరికా అధ్యక్షుడిగా ఎన్నికైతే భారతీయులకు కష్టాలు తప్పకపోవచ్చు. ముఖ్యంగా ఆ దేశానికి వలస వెళ్లే భారతీయులపై ఆంక్షలు మరింత కఠినతరం కావచ్చు. ఎందుకంటే.. అమెరికాకు అక్రమంగా వలస వెళ్తున్న పర దేశీయుల్లో భారతీయులే ఎక్కువగా ఉన్నారని సర్వేలు తెలుపుతున్నాయి. భారత్‌తో పోల్చితే మెక్సికో నుంచి వలస వెళ్లేవారి సంఖ్య పది రెట్లు ఎక్కువ. అయితే, గత ఐదేళ్లలో అక్రమంగా వలస వెళ్లిన భారతీయుల సంఖ్య దాదాపు 43 శాతం ఉంది. ఎన్నికల నేపథ్యంలో ట్రంప్ భారతీయులపై ప్రేమ కురిపిస్తున్నా.. అధికారంలోకి వచ్చిన తర్వాత కొరడా ఝుళిపించే అవకాశం ఉందని విశ్లేషకులు తెలుపుతున్నారు. అమెరికాకు చెందిన ప్యూ రీసెర్చ్ సెంటర్ నిర్వహించిన సర్వేలో ఏయే దేశం నుంచి ఎంత మంది అక్రమంగా వలస వస్తున్నారో వివరించింది. ఆ వివరాలు మీ కోసం...