ఓటు వేసేందుకు వెళ్లిన ట్రంప్‌కి చేదు అనుభవం

అమెరికా అధ్యక్ష పదవి కోసం రిపబ్లికన్ పార్టీ తరపున ఎన్నికల బరిలో నిలిచిన డొనాల్ట్ ట్రంప్‌కి మంగళవారం ఓ చేదు అనుభవం ఎదురైంది. తన ఓటు హక్కు వినియోగించుకునేందుకుగాను కుటుంబంతో కలిసి మ్యాన్‌హట్టన్‌లోని మిడ్ టౌన్‌లో వున్న పోలింగ్ సెంటర్ పబ్లిక్ స్కూల్ 59 వద్దకు చేరుకున్న ట్రంప్‌ని చూడగానే అక్కడ వున్న పబ్లిక్ ఒక్కసారిగా గట్టిగా అరుస్తూ అవహేళన చేశారు. అయినప్పటికీ కారు దిగి అందరికీ అభివాదం చేస్తూ పోలింగ్ సెంటర్‌లోకి వెళ్లిపోయారు ట్రంప్.

ఓటు హక్కు వినియోగించుకుని తిరిగి బయటికొస్తున్న సమయంలోనూ ట్రంప్‌కి మళ్లీ అటువంటి అనుభవమే ఎదురైంది. ట్రంప్‌ని చూడటంతోనే గట్టిగా నవ్వుతూ అతడిని అవమానించే ప్రయత్నం చేశారు అక్కడున్న కొంతమంది ఓటర్లు. కానీ ట్రంప్ మాత్రం అదేమీ పట్టించుకోకుండా అక్కడినుంచి హుందాగా నిష్క్రమించారు.
My brother had a 3 hour line in Manhattan and a special visitor #Trump #ElectionDay #voteIRL #Clinton pic.twitter.com/JAH8wmAOYA— Josh (@joshmbarn) November 8, 2016
ఆ సమయంలో ట్రంప్ వెంట అతడి భార్య మెలానియా, కూతురు ఇవంక, అల్లుడు జేర్డ్ కుష్నర్, మనవరాలు అరబెల్లా వున్నారు.