భారత్‌పై 21 ఏళ్ల తర్వాత పాక్‌కి శుభారంభం

భారత్‌తో జరుగుతున్న ఛాంపియన్స్ ట్రోఫీ ఫైనల్ మ్యాచ్‌లో పాకిస్థాన్ 21 ఏళ్ల తర్వాత మళ్లీ శుభారంభం అందుకుంది. టాస్ ఓడి తొలుత బ్యాటింగ్ చేస్తున్న పాక్ 15 ఓవర్లు ముగిసే సమయానికి వికెట్ నష్టపోకుండా 86 పరుగులు చేసింది. ఒక ఐసీసీ టోర్నీలో భారత్‌పై తొలి వికెట్‌కి 84కి పైగా పాక్ ఓపెనర్లు భాగస్వామ్యం నెలకొల్పడం 1996 తర్వాత ఇదే తొలిసారి.

అప్పట్లో పాక్ ఓపెనర్లు సయీద్ అన్వర్, అమీర్ సొహైల్ భారత్ బౌలర్లని ఎదుర్కొని 84 పరుగుల తొలి వికెట్ భాగస్వామ్యం నెలకొల్పారు. ఈ మధ్యకాలంలో చాలా సార్లు దాయాది దేశాలు తలపడినా.. పాక్‌కి శుభారంభం లభించలేదు. ఈ ఫైనల్ మ్యాచ్‌లో కూడా 3 ఓవర్లకి పాక్ 8 పరుగులతో పాక్ నిలిచిన దశలో వికెట్ పడాల్సి ఉంది. కానీ.. జస్‌ప్రీత్ బుమ్రా నోబాల్ వేసి తప్పిదం చేయడంతో ఓపెనర్ ఫకార్ జమాన్‌కి జీవనదానం లభించింది.