వరల్డ్ కప్‌కి ఆతిథ్యం ఇస్తోన్న ఇంగ్లాండ్.. ఈసారి ఎలాగైనా కప్‌ను కైవసం చేసుకోవాలనే కసితో ఉంది. క్రికెట్ పుట్టినిల్లయినప్పటికీ.. ఇప్పటి వరకు ఇంగ్లాండ్ ఒక్కసారి కూడా వన్డే వరల్డ్ కప్‌ను సొంతం చేసుకోలేకపోయింది. గత రెండు వరల్డ్ కప్‌లను ఆతిథ్య దేశాలు సొంతం చేసుకున్న నేపథ్యంలో.. ఈసారి కూడా సెంటిమెంట్‌ తమకు కలిసొస్తుందని ఇంగ్లాండ్ భావిస్తోంది. వరల్డ్ కప్ ముందు ఇంగ్లాండ్ క్రికెట్ బోర్డ్ జట్టు కోసం కొత్త కిట్‌ను సిద్ధం చేసింది. 1992 నాటి జెర్సీని తలపించేలా లైట్ బ్లూ కలర్‌లో కొత్త జెర్సీని రూపొందించింది.
కాగా ఫ్యాన్స్ మాత్రం ఇంగ్లాండ్ జెర్సీ పట్ల పెదవి విరుస్తున్నాయి. కొత్త జెర్సీని గార్బేజీ బ్యాగ్‌లతో పోలుస్తున్నారు. వరల్డ్ కప్ 1990ల్లో జరిగితే సరిగ్గా నప్పేదని ఓ నెటిజన్ బదులిచ్చాడు. మెన్ ఇన్ బ్లూ భారత్ మాత్రమే అని ఇండియన్ ఫ్యాన్స్ ఈసీబీ ట్వీట్‌కు బదులిచ్చారు. ఇది ఇంగ్లాండ్ కిట్ కంటే ఇండియా కిట్‌గా అనిపిస్తోందని ఓ నెటిజన్ పంచ్‌లేశాడు.
కాగా ఫ్యాన్స్ మాత్రం ఇంగ్లాండ్ జెర్సీ పట్ల పెదవి విరుస్తున్నాయి. కొత్త జెర్సీని గార్బేజీ బ్యాగ్‌లతో పోలుస్తున్నారు. వరల్డ్ కప్ 1990ల్లో జరిగితే సరిగ్గా నప్పేదని ఓ నెటిజన్ బదులిచ్చాడు. మెన్ ఇన్ బ్లూ భారత్ మాత్రమే అని ఇండియన్ ఫ్యాన్స్ ఈసీబీ ట్వీట్‌కు బదులిచ్చారు. ఇది ఇంగ్లాండ్ కిట్ కంటే ఇండియా కిట్‌గా అనిపిస్తోందని ఓ నెటిజన్ పంచ్‌లేశాడు.