World Cup 2019: అంబటి రాయుడు.. మా దేశానికి రా, ఇక్కడే ఉండిపోదువుగానీ.. కిర్రాక్ ఆఫర్

తెలుగు క్రికెటర్ అంబటి రాయుడికి వరల్డ్ కప్ జట్టులో చోటు ఖాయమని, నాలుగో స్థానం అతడిదేనని కొన్నాళ్ల క్రితం వరకు వార్తలొచ్చాయి. దీంతో పరిమిత ఓవర్ల క్రికెట్‌పై మరింత శ్రద్ధ పెట్టడం కోసమే అతడు టెస్టు క్రికెట్‌కు గుడ్ బై చెప్పాడు. కానీ బ్యాటింగ్, బౌలింగ్, ఫీల్డింగ్ చేయగలడనే కారణంతో.. అనూహ్యంగా 3డీ ఆటగాడైన విజయ్ శంకర్‌కు అవకాశం ఇచ్చిన సెలెక్టర్లు రాయుణ్ని పక్కనబెట్టారు. దీంతో తీవ్ర మనస్థాపానికి గురైన రాయుడు.. వరల్డ్ కప్ చూడటం కోసం ఇప్పుడే 3డీ కళ్లద్దాలకు ఆర్డర్ ఇచ్చానని సెటైరికల్‌‌గా ట్వీట్ చేశాడు. ఈ ట్వీట్ చేయడమే రాయుడికి శాపంగా పరిణమించిందేమో.. ఇటీవల గాయపడిన విజయ్ శంకర్ స్థానంలో.. మనోడికి కాకుండా కర్ణాటక ఓపెనర్ మయాంక్ అగర్వాల్‌కు బీసీసీఐ నుంచి పిలుపు దక్కింది.

క్రికెట్‌కు అంబటి రాయుడు గుడ్ బై.. అసంతృప్తే కారణమా?
బ్యాడ్ లక్ వెంటాడటంతో.. వరల్డ్ కప్ ఆడాలనే రాయుడి కల నెరవేరే అవకాశాలు కనిపించడం లేదు. బీసీసీఐ నుంచి మయాంక్ అగర్వాల్‌కు పిలుపొచ్చిన తరుణంలో.. బాధలో ఉన్న అంబటి రాయుడ్ని తమ దేశానికి వచ్చేయమంటూ.. ఐస్‌లాండ్ నుంచి ఆహ్వానం అందింది. ‘రాయుడు 3డీ గ్లాసెస్‌ను ఇప్పుడైనా పక్కనబెట్టు. మామూలు అద్దాలతో డాక్యుమెంట్లను చదువు. వచ్చి మాతో చేరు. రాయుడంటే మాకెంతో ఇష్టం’ అని ఐస్‌లాండ్ క్రికెట్ ట్వీట్ చేసింది. ఐస్‌లాండ్‌లో శాశ్వత నివాసం ఏర్పాటు చేసుకోవడం కోసం సమర్పించాల్సిన డాక్యుమెంట్ల వివరాలను కూడా ఐస్‌లాండ్ క్రికెట్ మంగళవారం ట్వీట్ చేసింది.

IND vs BAN Highlights: ప్రపంచకప్‌ సెమీస్‌ చేరిన భారత్.. ఇక బంగ్లాదేశ్‌ ఇంటికేఈ ఆఫర్‌పై అంబటి రాయుడు స్పందించలేదు. కానీ నెటిజన్లు మాత్రం తమదైన శైలిలో స్పందిస్తున్నారు. మాకు కూడా ఇలాంటి ఛాన్స్ ఇస్తారా? అని ఒకరు అడిగితే.. మరొకరేమో.. అతడు ఈ ఆఫర్‌కు ఓకే చెబితే.. విదేశీ ఆటగాడు అవుతాడు కాబట్టి.. ఐపీఎల్ జట్టులోనూ అతడి స్థానం ప్రశ్నార్థకం అవుతుందని మరొకరు ట్వీట్ చేశారు. సెలెక్టర్లకు గట్టి చెంపదెబ్బ తాకేలా ఐస్‌లాండ్ క్రికెట్ ట్వీట్ ఉందని కొందరు ఫ్యాన్స్ అభిప్రాయపడుతున్నారు.