ఐపీఎల్ 2022 సీజన్ ముగింపోత్సవానికి అహ్మదాబాద్‌లోని నరేంద్ర మోడీ స్టేడియం ముస్తాబైంది. ఈరోజు రాత్రి 8 గంటలకి గుజరాత్ టైటాన్స్, రాజస్థాన్ రాయల్స్ మధ్య ఫైనల్ మ్యాచ్ జరగనుండగా.. ఈ టైటిల్ పోరుకి ముందు ముగింపోత్సవం జరగనుంది. ఈ కార్యక్రమంలో బాలీవుడ్ హీరో రణవీర్ సింగ్‌తో పాటూ మ్యూజిక్ డైరెక్టర్ ఏఆర్ రెహమాన్ కూడా సందడి చేయబోతున్నాడు. అలానే కొరియోగ్రాఫర్ నీతి మోహన్ కూడా తన టీమ్‌లో కలిసి అక్కడ ప్రదర్శన ఇవ్వనుంది. ఈ మేరకు ఏఆర్ రెహమాన్, నీతి మోహన్ తమ టీమ్‌లతో కలిసి శనివారం అక్కడికి చేరుకుని ప్రాక్టీస్ కూడా చేశారు.
2020లో ఇదే నరేంద్ర మోడీ స్టేడియంలో ‘నమస్తే ట్రంప్’ కార్యక్రమం అట్టహాసంగా జరిగింది. అమెరికా అప్పటి అధ్యక్షుడు డొనాల్డ్ ట్రంప్, భారత ప్రధాని నరేంద్ర మోడీ హాజరయ్యారు. నాలుగు ఎంట్రీ పాయింట్లతో ఉన్న ఈ స్టేడియం ఏకంగా 63 ఎకరాల్లో విస్తరించి ఉంది. 2020 వరకూ 90 వేల సీటింగ్ సామర్థ్యంతో ఉన్న మెల్‌బోర్న్ క్రికెట్ గ్రౌండ్ అతి పెద్ద క్రికెట్ స్టేడియంగా ఉండగా.. తాజాగా ఆ రికార్డ్ ఇప్పుడు నరేంద్ర మోడీ స్టేడియం పేరిట ఉంది.
2020లో ఇదే నరేంద్ర మోడీ స్టేడియంలో ‘నమస్తే ట్రంప్’ కార్యక్రమం అట్టహాసంగా జరిగింది. అమెరికా అప్పటి అధ్యక్షుడు డొనాల్డ్ ట్రంప్, భారత ప్రధాని నరేంద్ర మోడీ హాజరయ్యారు. నాలుగు ఎంట్రీ పాయింట్లతో ఉన్న ఈ స్టేడియం ఏకంగా 63 ఎకరాల్లో విస్తరించి ఉంది. 2020 వరకూ 90 వేల సీటింగ్ సామర్థ్యంతో ఉన్న మెల్‌బోర్న్ క్రికెట్ గ్రౌండ్ అతి పెద్ద క్రికెట్ స్టేడియంగా ఉండగా.. తాజాగా ఆ రికార్డ్ ఇప్పుడు నరేంద్ర మోడీ స్టేడియం పేరిట ఉంది.