చెన్నైకి మరో దెబ్బ.. గాయంతో బౌలర్ దూరం

ముంబై ఇండియన్స్ చేతిలో ఓటమిపాలైన చెన్నై సూపర్ కింగ్స్‌కు మరో ఎదురు దెబ్బ తగిలింది. ఇప్పటికే ఆ జట్టును గాయాల సమస్య వేధిస్తుండగా.. ఫాస్ట్ బౌలర్ దీపక్ చాహర్ కూడా గాయపడిన ఆటగాళ్ల జాబితాలో చేరాడు. తొడ కండరాలు పట్టేయడంతో రెండు వారాలపాటు అతడు ఐపీఎల్‌కు దూరమయ్యాడు. సూపర్ కింగ్స్ ప్రధాన కోచ్ స్టీఫెన్ ఫ్లెమింగ్ ముంబైతో మ్యాచ్ అనంతరం ఈ విషయాన్ని ధృవీకరించారు.

ముంబై ఇండియన్స్‌పై బౌలింగ్ వేస్తుండగా.. చాహర్ తొడ కండరాలు పట్టేయడంతో ఇబ్బంది పడ్డాడు. దీంతో మ్యాచ్ మధ్యలోనే మైదానం విడిచి వెళ్లాల్సి వచ్చింది. ఇప్పటికే కేదార్ జాదవ్, మిచెల్ శాంట్నర్ గాయం కారణంగా ఐపీఎల్‌కు దూరమైన సంగతి తెలిసిందే. రెండు వారాలపాటు చాహర్ కూడా ఐపీఎల్‌కు దూరం కావడం చెన్నై విజయావకాశాలపై ప్రభావం చూపే అవకాశం ఉంది.

రాజస్థాన్ తరఫున దేశవాళీ క్రికెట్ ఆడే చాహల్ ఈ సీజన్లో చెన్నై తరఫున ఏడు మ్యాచ్‌లు ఆడి 23.17 సగటుతో ఆరు వికెట్లు తీశాడు.