IPL Opener: చెన్నైకే విజయావకాశాలు, కారణాలివే.. క్రికెట్ అనలిస్ట్ వెంకటేశ్ విశ్లేషణ

ఐపీఎల్ 2020 వచ్చేసింది. కరోనా కారణంగా దాదాపు ఆరు నెలలు ఆలస్యంగా ఈ సీజన్ ప్రారంభమవుతోంది. నేడు ముంబై ఇండియన్స్, చెన్నై సూపర్ కింగ్స్ మధ్య తొలి మ్యాచ్ జరగనుంది. ఒక జట్టు డిఫెండింగ్ ఛాంపియన్ మరో జట్టు 8సార్లు ఫైనల్ చేరిన మాజీ ఛాంపియన్ కావడంతో మొదటి మ్యాచే అభిమానుల్లో ఆసక్తి రేపుతోంది. సురేశ్ రైనా, హర్భజన్ సింగ్ జట్టులో లేకపోవడంతో చెన్నై సూపర్ కింగ్స్‌పై ప్రభావం చూపే అవకాశం ఉంది. కాగా బలమైన స్పిన్ బౌలింగ్ విభాగం ఉన్న చెన్నై సూపర్ కింగ్స్‌కే ఈ మ్యాచ్‌‌లో గెలిచే అవకాశాలు కాస్త ఎక్కువగా ఉన్నాయంటున్నారు క్రికెట్ అనలిస్ట్ వెంకటేశ్.

ముంబై జట్టులోనూ స్పిన్నర్లు ఉన్నప్పటికీ.. చెన్నై సూపర్ కింగ్స్ జట్టులోని స్పిన్నర్లు అంతర్జాతీయ స్థాయి ఆటగాళ్లని వెంకటేశ్ తెలిపారు. ముంబై ఇండియన్స్‌లో రోహిత్ సహా అందరూ హిట్టర్లే ఉన్నారని... స్లో పిచ్‌ చెన్నైకి కలిసొచ్చే అవకాశం ఉందని ఆయన చెబుతున్నారు. తొలి మ్యాచ్‌పై ఆయన విశ్లేషణను వీడియోలో చూసేయండి. ఇప్పటికే ఆయన ఐపీఎల్ 2020 సవాళ్లు, సన్‌రైజర్స్ గురించి ‘సమయం’కు ఎక్స్‌క్లూజివ్ ఇంటర్వ్యూలు అందించారు.