DC vs CSK: ఢిల్లీ క్యాపిటల్స్ ‘జెర్సీ’ సెంటిమెంట్తో చెన్నై టీమ్లో కొత్త గుబులు
DC vs CSK IPL 2023 మ్యాచ్కి అరుణ్ జైట్లీ స్టేడియం శనివారం ఆతిథ్యం ఇవ్వబోతోంది. ఈ మ్యాచ్కి ఢిల్లీ ప్లేయర్లు రెయిన్బో జెర్సీని ధరించనున్నారు. ఈ జెర్సీని ధరించిన ప్రతి మ్యాచ్లోనూ ఢిల్లీ క్యాపిటల్స్ గెలిచింది. శనివారం ఒకవేళ సెంటిమెంట్ రిపీటైతే.. అది చెన్నై సూపర్ కింగ్స్కి కష్టాలు తెచ్చి పెట్టనుంది.
ప్రధానాంశాలు:
- చెన్నై, ఢిల్లీ జట్ల మధ్య శనివారం మ్యాచ్
- ఢిల్లీ టీమ్కి ఐపీఎల్ 2023లో ఇదే లాస్ట్ గేమ్
- రెయిన్బో జెర్సీలో మ్యాచ్ ఆడనున్న ఢిల్లీ క్యాపిటల్స్
- సెంటిమెంట్ రిపీటైతే చెన్నై టీమ్కి ప్లేఆఫ్స్ కష్టాలు
ఐపీఎల్ 2023 (IPL 2023) సీజన్లో ఢిల్లీ క్యాపిటల్స్ కథ శనివారంతో ముగియబోతోంది. ఇప్పటికే ప్లేఆఫ్స్ రేసు నుంచి అధికారికంగా నిష్క్రమించిన ఢిల్లీ క్యాపిటల్స్ (DC).. తన చివరి మ్యాచ్ని చెన్నై సూపర్ కింగ్స్ (CSK)తో శనివారం మధ్యాహ్నం ఆడనుంది. ఈ మ్యాచ్కి ఢిల్లీలోని అరుణ్ జైట్లీ స్టేడియం ఆతిథ్యం ఇస్తోంది. సీజన్లో తమకి లాస్ట్ మ్యాచ్ కావడంతో ఢిల్లీ క్యాపిటల్స్ రెయిన్బో జెర్సీలో ఈ మ్యాచ్ ఆడనుంది. ఇదే ఇప్పుడు చెన్నై సూపర్ కింగ్స్ జట్టులో కంగారు పెంచుతోంది. ఐపీఎల్ 2020 నుంచి ఢిల్లీ క్యాపిటల్స్ టీమ్ ప్రతి సీజన్లోనూ కనీసం ఒక మ్యాచ్ని రెయిన్బో జెర్సీలో ఆడుతోంది. ఆ జెర్సీలో ఆడిన మ్యాచ్ల్లో ఇప్పటి వరకు ఢిల్లీ టీమ్ ఓడింది లేదు. 2020లో రాయల్ ఛాలెంజర్స్ బెంగళూరుని 59 పరుగుల తేడాతో ఓడించిన ఢిల్లీ, 2021లో ముంబయి ఇండియన్స్ని 4 వికెట్ల తేడాతో ఓడించింది. గత ఏడాది కోల్కతా నైట్రైడర్స్ని కూడా 4 వికెట్ల తేడాతో ఢిల్లీ టీమ్ ఓడించింది. దాంతో ఒకవేళ శనివారం మ్యాచ్లో కూడా ఢిల్లీ గెలిస్తే? అప్పుడు చెన్నై టీమ్ ప్లేఆఫ్స్ కష్టాలు మొదలుకానున్నాయి. ముంబయి ఇండియన్స్ లేదా రాయల్ ఛాలెంజర్స్ బెంగళూరు జట్టు తమ చివరి మ్యాచ్లో ఓడిపోవాలని చెన్నై కోరుకోవాల్సి ఉంటుంది.
సీజన్లో ఇప్పటి వరకు 13 మ్యాచ్లాడిన చెన్నై సూపర్ కింగ్స్ ఏడు విజయాలు సాధించింది. అలానే ఓ మ్యాచ్లో వర్షం కారణంగా లక్నో సూపర్ జెయింట్స్తో కలిసి పాయింట్స్ని పంచుకుంది. దాంతో 15 పాయింట్లతో ప్రస్తుతం పట్టికలో రెండో స్థానంలో చెన్నై ఉంది. మరోవైపు ఢిల్లీ క్యాపిటల్స్ 13 మ్యాచ్లాడి 8 మ్యాచ్ల్లో ఓడిపోయింది. దాంతో పట్టికలో 9వ స్థానంలో ఢిల్లీ ఉంది. పంజాబ్ కింగ్స్తో ఈ నెల 17న జరిగిన మ్యాచ్లో ఫస్ట్ బ్యాటింగ్ చేసిన ఢిల్లీ 213 పరుగులు చేసి.. అనంతరం పంజాబ్ని 198/8కే పరిమితం చేసి మంచి జోష్లో ఉంది.
సీజన్లో ఇప్పటి వరకు 13 మ్యాచ్లాడిన చెన్నై సూపర్ కింగ్స్ ఏడు విజయాలు సాధించింది. అలానే ఓ మ్యాచ్లో వర్షం కారణంగా లక్నో సూపర్ జెయింట్స్తో కలిసి పాయింట్స్ని పంచుకుంది. దాంతో 15 పాయింట్లతో ప్రస్తుతం పట్టికలో రెండో స్థానంలో చెన్నై ఉంది. మరోవైపు ఢిల్లీ క్యాపిటల్స్ 13 మ్యాచ్లాడి 8 మ్యాచ్ల్లో ఓడిపోయింది. దాంతో పట్టికలో 9వ స్థానంలో ఢిల్లీ ఉంది. పంజాబ్ కింగ్స్తో ఈ నెల 17న జరిగిన మ్యాచ్లో ఫస్ట్ బ్యాటింగ్ చేసిన ఢిల్లీ 213 పరుగులు చేసి.. అనంతరం పంజాబ్ని 198/8కే పరిమితం చేసి మంచి జోష్లో ఉంది.