Dwayne Bravo: ఐపీఎల్ చరిత్రలో అత్యధిక వికెట్లు తీసిన బౌలర్‌గా గుర్తింపు పొందిన కరేబియన్ ఆల్రౌండర్ డ్వేన్ బ్రావో ఇండియన్ ప్రీమియర్ లీగ్‌కు రిటైర్మెంట్ ప్రకటించాడు. ఇప్పటి వరకూ తాను ఆడిన చెన్నై సూపర్ కింగ్స్‌కు బౌలింగ్ కోచ్‌గా వ్యవహరించనున్నట్లు ప్రకటించాడు. బ్రావోను బౌలింగ్ కోచ్‌గా నియమించిన విషయాన్ని చెన్నై సూపర్ కింగ్స్ తన అధికారిక వెబ్‌సైట్ ద్వారా వెల్లడించింది. వ్యక్తిగత కారణాలతో లక్ష్మీపతి బాలాజీ ఏడాదిపాటు కోచింగ్‌కు దూరంగా ఉండనుండటంతో.. అతడి స్థానంలో బ్రావో తమ బౌలింగ్ కోచ్‌గా వ్యవహరిస్తాడని సూపర్ కింగ్స్ తెలిపింది. సూపర్ కింగ్స్ అకాడమీకి బాలాజీ సేవలు అందుబాటులో ఉంటాయని సీఎస్కే స్పష్టం చేసింది.
161 ఐపీఎల్ మ్యాచ్‌లు ఆడిన బ్రావో 183 వికెట్లు తీశాడు. దాదాపు 130 స్ట్రైక్ రేట్‌తో 1560 పరుగులు చేశాడు. చెన్నై సూపర్ కింగ్స్ విజయాల్లో బ్రావో కీలక పాత్ర పోషించాడు. 2011 నుంచి సూపర్ కింగ్స్ తరఫున ఆడుతున్న బ్రావో.. ఆ జట్టు 2011, 2018, 2021ల్లో ఐపీఎల్ గెలవడంతోపాటు.. 2014లో ఛాంపియన్స్ లీగ్ టీ20 గెలవడంతో ముఖ్యపాత్ర పోషించాడు. రెండుసార్లు పర్పుల్ క్యాప్ సాధించిన తొలి విదేశీ బౌలర్‌గా బ్రావో రికార్డ్ క్రియేట్ చేశాడు. 2013, 2015 సీజన్లలో అత్యధిక వికెట్లు తీసిన బౌలర్‌గా బ్రావో నిలిచాడు.
చెన్నై సూపర్ కింగ్స్ తరఫున 144 మ్యాచ్‌లు ఆడిన ఈ కరేబియన్ ఆల్రౌండర్.. ఫ్రాంచైజీ తరఫున 168 వికెట్లు తీయడంతోపాటు.. 1556 రన్స్ చేశాడు.
ముంబై ఇండియన్స్ ఆల్రౌండర్ కీరన్ పోలార్డ్ కూడా ఇటీవలే ఐపీఎల్‌కు రిటైర్మెంట్ ప్రకటించిన సంగతి తెలిసిందే. ముంబై ఇండియన్స్ మేనేజ్‌మెంట్ వెంటనే అతణ్ని తమ బ్యాటింగ్ కోచ్‌గా నియమించుకుంది. చెన్నై సూపర్ కింగ్స్ రిలీజ్ చేసిన ఆటగాళ్లలో బ్రావో ఒకడు కాగా.. పోలార్డ్‌ను రిలీజ్ చేయడానికి ముందే అతడు ఐపీఎల్‌కు రిటైర్ అవుతున్నట్లు ప్రకటించాడు. ఏళ్ల తరబడి ఐపీఎల్ అభిమానులను అలరించిన కరేబియన్ దిగ్గజాలిద్దరూ వచ్చే సీజన్ నుంచి తెర వెనుక నుంచి తమ జట్ల విజయాల్లో కీలక పాత్ర పోషించనున్నారు.
Read More Sports News And Telugu News
161 ఐపీఎల్ మ్యాచ్‌లు ఆడిన బ్రావో 183 వికెట్లు తీశాడు. దాదాపు 130 స్ట్రైక్ రేట్‌తో 1560 పరుగులు చేశాడు. చెన్నై సూపర్ కింగ్స్ విజయాల్లో బ్రావో కీలక పాత్ర పోషించాడు. 2011 నుంచి సూపర్ కింగ్స్ తరఫున ఆడుతున్న బ్రావో.. ఆ జట్టు 2011, 2018, 2021ల్లో ఐపీఎల్ గెలవడంతోపాటు.. 2014లో ఛాంపియన్స్ లీగ్ టీ20 గెలవడంతో ముఖ్యపాత్ర పోషించాడు. రెండుసార్లు పర్పుల్ క్యాప్ సాధించిన తొలి విదేశీ బౌలర్‌గా బ్రావో రికార్డ్ క్రియేట్ చేశాడు. 2013, 2015 సీజన్లలో అత్యధిక వికెట్లు తీసిన బౌలర్‌గా బ్రావో నిలిచాడు.
చెన్నై సూపర్ కింగ్స్ తరఫున 144 మ్యాచ్‌లు ఆడిన ఈ కరేబియన్ ఆల్రౌండర్.. ఫ్రాంచైజీ తరఫున 168 వికెట్లు తీయడంతోపాటు.. 1556 రన్స్ చేశాడు.
ముంబై ఇండియన్స్ ఆల్రౌండర్ కీరన్ పోలార్డ్ కూడా ఇటీవలే ఐపీఎల్‌కు రిటైర్మెంట్ ప్రకటించిన సంగతి తెలిసిందే. ముంబై ఇండియన్స్ మేనేజ్‌మెంట్ వెంటనే అతణ్ని తమ బ్యాటింగ్ కోచ్‌గా నియమించుకుంది. చెన్నై సూపర్ కింగ్స్ రిలీజ్ చేసిన ఆటగాళ్లలో బ్రావో ఒకడు కాగా.. పోలార్డ్‌ను రిలీజ్ చేయడానికి ముందే అతడు ఐపీఎల్‌కు రిటైర్ అవుతున్నట్లు ప్రకటించాడు. ఏళ్ల తరబడి ఐపీఎల్ అభిమానులను అలరించిన కరేబియన్ దిగ్గజాలిద్దరూ వచ్చే సీజన్ నుంచి తెర వెనుక నుంచి తమ జట్ల విజయాల్లో కీలక పాత్ర పోషించనున్నారు.
Read More Sports News And Telugu News