RCB ఒక్క టైటిల్ గెలవలేదు.. కోహ్లికి లౌక్యం లేదు.. కెప్టెన్‌గా కొనసాగడం లక్: గౌతీ

సచిన్ వంద సెంచరీల రికార్డును కోహ్లి బద్దలుకొడతాడా? అనే ప్రశ్నకు విరాట్ మాత్రమే బదులివ్వగలడని దక్షిణాఫ్రికా మాజీ ఆల్‌రౌండర్ జాక్వస్ కలిస్ తెలిపాడు. దేన్నాయినా తేలిగ్గా చేయగల సామర్థ్యం కోహ్లి సొంతమని ఆయన చెప్పుకొచ్చాడు. కోహ్లి ప్రపంచ స్థాయి ఆటగాడు. అతడు ఎంతో శ్రమిస్తాడు.. అతడు సాధించలేనిది ఏదీ లేదని కలిస్ అభిప్రాయపడ్డాడు. వరల్డ్ కప్‌లో దక్షిణాఫ్రికా ఫేవరేట్ కాదని ఆయన చెప్పుకొచ్చాడు.

ఐపీఎల్‌లో కోహ్లి కెప్టెన్సీపై టీమిండియా మాజీ ఓపెనర్ గౌతమ్ గంభీర్ కామెంట్ చేశాడు. విజయాలకు ప్రాధాన్యం ఇచ్చే ఐపీఎల్ లాంటి టోర్నీల్లో కోహ్లిని బెంగళూరు కెప్టెన్సీ నుంచి తప్పించకపోవడం నిజంగా అతడి అదృష్టమని గంభీర్ తెలిపాడు. బెంగళూరు ఒక్కసారి టైటిల్ గెలవకున్నా కోహ్లి కెప్టెన్‌గా కొనసాగుతున్నాడని గంభీర్ ఎద్దేవా చేశాడు.

ధోనీ, రోహిత్ శర్మలతో పోలిస్తే.. పరిమిత ఓవర్ల క్రికెట్లో విరాట్ లౌక్యం ఉన్న కెప్టెన్ కాదు. ధోనీ, రోహిత్ ఐపీఎల్ టైటిళ్లను సాధించారు. ఇప్పటి వరకు ఢిల్లీ క్యాపిటల్స్, ఆర్సీబీ మాత్రమే ఒక్కసారి కూడా టైటిల్ గెలవలేదని గంభీర్త తెలిపాడు. ఐపీఎల్‌లో ఎనిమిదేళ్లపాటు కోహ్లి కెప్టెన్‌గా ఉన్నా.. ఆర్సీబీకి ట్రోఫీ అందించలేకపోయాని విమర్శించాడు. రోహిత్, ధోనీలతో అతణ్ని పోల్చలేమని చెప్పాడు.