ఐపీఎల్ 2020 సీజన్ వేలానికి ముందే చెన్నై సూపర్ కింగ్స్, ముంబయి ఇండియన్స్ మధ్య పోటీ మొదలైపోయింది. 12 ఏళ్ల ఐపీఎల్ చరిత్రలో చిరకాల ప్రత్యర్థులుగా పేరొందిన ఈ రెండు జట్లు ఇప్పుడు ఇంగ్లాండ్ పవర్ హిట్టర్ టామ్ బాంటన్పై కన్నేశాయి. అబుదాబి వేదికగా ఇటీవల ముగిసిన టీ10 లీగ్లో ఆడిన బాంటన్ 161 స్ట్రైక్రేట్తో ఏకంగా 549 పరుగులు సాధించాడు. ముఖ్యంగా.. ఈ 21 ఏళ్ల కుడిచేతి వాటం ఓపెనర్ మైదానం నలువైపులా అలవోకగా షాట్స్ ఆడటం అందర్నీ ఆశ్చర్యపరిచింది. మ్యాచ్లో కామెంటేటర్లు అయితే అతని షాట్స్ చూసి.. ఇంగ్లాండ్కి మరో జోస్ బట్లర్, కెవిన్ పీటర్సన్ దొరికేశాడంటూ కితాబిచ్చేశారు. దీంతో.. ఐపీఎల్ వేలానికి ముందే అన్ని ఫ్రాంఛైజీల దృష్టి ఇప్పుడు ఈ యువ పవర్ హిట్టర్పై పడింది. కోల్కతా వేదికగా డిసెంబరు 19న ఐపీఎల్ 2020 సీజన్కి సంబంధించి ఆటగాళ్ల వేలం జరగనుంది. ఇటీవల ప్రొఫెషనల్ ఓపెనర్ ఎవిన్ లావిస్ని వేలంలోకి విడిచిపెట్టిన ముంబయి ఇండియన్స్ అతని స్థానంలో టామ్ బాంటన్ని తీసుకోవాలని యోచిస్తోంది. మరోవైపు చెన్నై సూపర్ కింగ్స్ కూడా ఒక ప్రొఫెషనల్ ఓపెనర్ కోసం వెతుకుతోంది. గత ఏడాది షేన్ వాట్సన్, డుప్లెసిస్ కొన్ని మ్యాచ్ల్లో ఓపెనర్లుగా ఆడిన ఆశించిన మేర రాణించలేకపోయారు. ముఖ్యంగా డుప్లెసిస్ తేలిపోయాడు. దీంతో.. టామ్ బాంటన్ని వేలంలో దక్కించుకోవాలని చెన్నై కూడా ఆశిస్తోంది.
ఇప్పటి వరకూ ఒక్కసారి కూడా ఐపీఎల్లో ఆడని టామ్ బాంటన్.. తనకి ముంబయి ఇండియన్స్ టీమ్ అంటే ఇష్టమని తాజాగా చెప్పుకొచ్చాడు. ఇది ముంబయి టీమ్కి కలిసొచ్చే అంశమైనా.. వేలంలో చెన్నై సూపర్ కింగ్స్ అంత సులభంగా వెనక్కి తగ్గకపోవచ్చు. ఎందుకంటే.. ముంబయి టీమ్లో డికాక్, రోహిత్ శర్మ రూపంలో ప్రొఫెషనల్ ఓపెనర్లు ఉన్నారు. కానీ.. చెన్నై టీమ్లో నమ్మదగిన ఓపెనర్లు లేరు. కాబట్టి.. ముంబయికి చెన్నై నుంచి వేలంలో గట్టి పోటీ తప్పదు.
ఇప్పటి వరకూ ఒక్కసారి కూడా ఐపీఎల్లో ఆడని టామ్ బాంటన్.. తనకి ముంబయి ఇండియన్స్ టీమ్ అంటే ఇష్టమని తాజాగా చెప్పుకొచ్చాడు. ఇది ముంబయి టీమ్కి కలిసొచ్చే అంశమైనా.. వేలంలో చెన్నై సూపర్ కింగ్స్ అంత సులభంగా వెనక్కి తగ్గకపోవచ్చు. ఎందుకంటే.. ముంబయి టీమ్లో డికాక్, రోహిత్ శర్మ రూపంలో ప్రొఫెషనల్ ఓపెనర్లు ఉన్నారు. కానీ.. చెన్నై టీమ్లో నమ్మదగిన ఓపెనర్లు లేరు. కాబట్టి.. ముంబయికి చెన్నై నుంచి వేలంలో గట్టి పోటీ తప్పదు.