KKR vs RCB: బెంగళూరు ఓపెనర్ బంతిని చూడవా..? ఫన్నీ రనౌట్
కోల్కతాపై ఛేదనలో పవర్ ప్లే ముగిసే సమయానికే సగం మ్యాచ్ని పూర్తి చేసిన బెంగళూరు ఓపెనర్లు.. ఒకే ఓవర్లో అదీ బంతి వ్యవధిలోనే వికెట్లు చేజార్చుకున్నారు. ఇందులో ఒకటి చేజేతులా..?
Samayam Telugu 22 Oct 2020, 8:42 am
ఐపీఎల్ 2020 సీజన్లో ప్రతి మ్యాచ్లోనూ కనీసం ఒక రనౌట్ పరిపాటిగా మారిపోయింది. యువ క్రికెటర్లే కాదు.. సీనియర్ ఆటగాళ్లు కూడా సహచర బ్యాట్స్మెన్తో సమన్వయలోపం కారణంగా రనౌటైపోతున్నారు. అబుదాబి వేదికగా కోల్కతా నైట్రైడర్స్తో బుధవారం రాత్రి జరిగిన మ్యాచ్లో రాయల్ ఛాలెంజర్స్ బెంగళూరు ఓపెనర్ దేవదత్ పడిక్కల్ కూడా గుర్కీరత్తో సమన్వయలోపం కారణంగా రనౌటయ్యాడు. వాస్తవానికి అక్కడ సింగిల్కి అవకాశం లేదు.. బెంగళూరు టీమ్కి ఆ పరుగు.. అదీ ఆ టైమ్లో అవసరమే లేదు.
మ్యాచ్లో టాస్ గెలిచి మొదట బ్యాటింగ్ చేసిన కోల్కతా నైట్రైడర్స్.. టాప్ ఆర్డర్ చేతులెత్తేయడంతో 8 వికెట్ల నష్టానికి 84 పరుగులే చేయగలిగింది. అనంతరం ఛేదనలో ఓపెనర్లు అరోన్ ఫించ్ (16: 21 బంతుల్లో 2x4), దేవ్దత్ పడిక్కల్ (25: 17 బంతుల్లో 3x4) దూకుడుగా ఆడటంతో 6 ఓవర్లు ముగిసే సమయానికే బెంగళూరు 44/0తో నిలిచింది. అంటే.. పవర్ ప్లే ముగిసే సమయానికే బెంగళూరు ఓపెనర్లు సగం పని పూర్తి చేసేశారు. ఈ దశలో ఇన్నింగ్స్ 7వ ఓవర్లో లూకీ ఫెర్గూసన్ బౌలింగ్కిరాగా.. రెండో బంతికి కీపర్ క్యాచ్ ఇచ్చి అరోన్ ఫించ్ ఔటయ్యాడు. అనంతరం వచ్చిన గుర్కీరత్ సింగ్ మన్ (21 నాటౌట్: 26 బంతుల్లో 4x4) నాలుగో బంతిని మిడ్ వికెట్ దిశగా ఫుష్ చేసి సింగిల్ కోసం రెండు అడుగులు ముందుకు వచ్చాడు. కానీ.. బంతి నేరుగా ఫీల్డర్ పాట్ కమిన్స్ చేతుల్లోకి వెళ్లడంతో.. గుర్కీరత్ వెనక్కి తగ్గాడు. కానీ.. నాన్స్ట్రైక్ ఎండ్లో ఉన్న పడిక్కల్.. బంతిని ఏమాత్రం చూసుకోకుండా అలానే ముందుకు పరుగెత్తుకుంటూ స్ట్రైకింగ్ ఎండ్కి వచ్చేశాడు. దాంతో.. గుర్కీరత్ నో.. నో.. అని అరుస్తున్నా లాభం లేకపోయింది. అప్పటికే బంతిని అందుకున్న కమిన్స్ నెమ్మదిగా నాన్స్ట్రైక్ ఎండ్వైపు నడుచుకుంటూ వెళ్లి బెయిల్స్ని ఎగరొట్టాడు. గుర్కీరత్తో పాటు పడిక్కల్ కూడా కీపర్ ఎండ్వైపే ఆగిపోయారు.
వికెట్ల మధ్య బ్యాట్స్మెన్ వేగంగా పరుగెత్తడమే కాదు.. బంతిపైనా ఓ కన్నేసి ఉంచాలి. గుడ్డిగా సహచర బ్యాట్స్మెన్ని నమ్మి పరుగుకి వెళ్లిపోతే ఇదిగో ఇలానే మూల్యం చెల్లించుకోవాల్సి ఉంటుంది. ఒకే ఓవర్లోనే ఫించ్, పడిక్కల్ ఔటైనా.. ఆ ప్రభావం బెంగళూరు ఛేదనపై పడలేదు. గుర్కీరత్తో కలిసి ఆ తర్వాత కెప్టెన్ విరాట్ కోహ్లీ (18 నాటౌట్: 17 బంతుల్లో 2x4) గెలుపు లాంఛనాన్ని 13.3 ఓవర్లలోనే పూర్తి చేశాడు.
మ్యాచ్లో టాస్ గెలిచి మొదట బ్యాటింగ్ చేసిన కోల్కతా నైట్రైడర్స్.. టాప్ ఆర్డర్ చేతులెత్తేయడంతో 8 వికెట్ల నష్టానికి 84 పరుగులే చేయగలిగింది. అనంతరం ఛేదనలో ఓపెనర్లు అరోన్ ఫించ్ (16: 21 బంతుల్లో 2x4), దేవ్దత్ పడిక్కల్ (25: 17 బంతుల్లో 3x4) దూకుడుగా ఆడటంతో 6 ఓవర్లు ముగిసే సమయానికే బెంగళూరు 44/0తో నిలిచింది. అంటే.. పవర్ ప్లే ముగిసే సమయానికే బెంగళూరు ఓపెనర్లు సగం పని పూర్తి చేసేశారు. ఈ దశలో ఇన్నింగ్స్ 7వ ఓవర్లో లూకీ ఫెర్గూసన్ బౌలింగ్కిరాగా.. రెండో బంతికి కీపర్ క్యాచ్ ఇచ్చి అరోన్ ఫించ్ ఔటయ్యాడు. అనంతరం వచ్చిన గుర్కీరత్ సింగ్ మన్ (21 నాటౌట్: 26 బంతుల్లో 4x4) నాలుగో బంతిని మిడ్ వికెట్ దిశగా ఫుష్ చేసి సింగిల్ కోసం రెండు అడుగులు ముందుకు వచ్చాడు. కానీ.. బంతి నేరుగా ఫీల్డర్ పాట్ కమిన్స్ చేతుల్లోకి వెళ్లడంతో.. గుర్కీరత్ వెనక్కి తగ్గాడు. కానీ.. నాన్స్ట్రైక్ ఎండ్లో ఉన్న పడిక్కల్.. బంతిని ఏమాత్రం చూసుకోకుండా అలానే ముందుకు పరుగెత్తుకుంటూ స్ట్రైకింగ్ ఎండ్కి వచ్చేశాడు. దాంతో.. గుర్కీరత్ నో.. నో.. అని అరుస్తున్నా లాభం లేకపోయింది. అప్పటికే బంతిని అందుకున్న కమిన్స్ నెమ్మదిగా నాన్స్ట్రైక్ ఎండ్వైపు నడుచుకుంటూ వెళ్లి బెయిల్స్ని ఎగరొట్టాడు. గుర్కీరత్తో పాటు పడిక్కల్ కూడా కీపర్ ఎండ్వైపే ఆగిపోయారు.
వికెట్ల మధ్య బ్యాట్స్మెన్ వేగంగా పరుగెత్తడమే కాదు.. బంతిపైనా ఓ కన్నేసి ఉంచాలి. గుడ్డిగా సహచర బ్యాట్స్మెన్ని నమ్మి పరుగుకి వెళ్లిపోతే ఇదిగో ఇలానే మూల్యం చెల్లించుకోవాల్సి ఉంటుంది. ఒకే ఓవర్లోనే ఫించ్, పడిక్కల్ ఔటైనా.. ఆ ప్రభావం బెంగళూరు ఛేదనపై పడలేదు. గుర్కీరత్తో కలిసి ఆ తర్వాత కెప్టెన్ విరాట్ కోహ్లీ (18 నాటౌట్: 17 బంతుల్లో 2x4) గెలుపు లాంఛనాన్ని 13.3 ఓవర్లలోనే పూర్తి చేశాడు.