IPL 2020 Points Table: రాజస్థాన్ ఓటమితో SRH మళ్లీ కిందకి.. CSK లాస్ట్

ఐపీఎల్ 2020 పాయింట్ల పట్టికలో అనూహ్య మార్పులు చోటు చేసుకున్నాయి. రాజస్థాన్ రాయల్స్‌తో దుబాయ్ వేదికగా బుధవారం రాత్రి జరిగిన మ్యాచ్‌లో 37 పరుగుల తేడాతో గెలుపొందిన కోల్‌కతా నైట్‌రైడర్స్ జట్టు.. పాయింట్ల పట్టికలో ఏడో స్థానం నుంచి ఒక్కసారిగా రెండుకి ఎగబాకింది. దాంతో.. ఆరులో ఉన్న సన్‌రైజర్స్ హైదరాబాద్ ఏడుకి పడిపోగా.. చెన్నై సూపర్ కింగ్స్ చిట్టచివరి స్థానంలోనే కొనసాగుతోంది.

కోల్‌కతాతో మ్యాచ్ ముందు వరకూ నెం.1 స్థానంలో ఉన్న రాజస్థాన్ రాయల్స్.. ఒక్కసారిగా మూడికి పడిపోగా.. ఢిల్లీ క్యాపిటల్స్ మళ్లీ అగ్రస్థానానికి ఎగబాకింది. ఇక రాయల్ ఛాలెంజర్స్ బెంగళూరు టాప్-4లో చోటు దక్కించుకోగలిగింది. కింగ్స్ ఎలెవన్ పంజాబ్, ముంబయి ఇండియన్స్ జట్లు ఒక్కో స్థానానికి దిగజారి వరుసగా 5, 6 స్థానాల్లో నిలిచాయి. లీగ్ దశ ముగిసే సమయానికి టాప్-4లో నిలిచిన జట్లు ప్లేఆఫ్‌కి అర్హత సాధించనున్న విషయం తెలిసిందే.


ఐపీఎల్ 2019 సీజన్‌లో చెన్నై సూపర్ కింగ్స్, సన్‌రైజర్స్ హైదరాబాద్, ముంబయి ఇండియన్స్‌తో పాటు ఢిల్లీ క్యాపిటల్స్ టాప్-4లో నిలిచి ప్లేఆఫ్‌కి చేరగా.. ఇప్పుడు ఢిల్లీ మినహా ఏ జట్టు కూడా టాప్-4లో లేకపోవడం గమనార్హం. మరీ ముఖ్యంగా.. ఐపీఎల్‌లో ఆడిన ప్రతి సీజన్‌లోనూ ప్లేఆఫ్‌కి చేరిన చెన్నై టీమ్.. ఇలా కొన్ని రోజుల పాటు పాయింట్ల పట్టికలో దిగువలో ఉండటం ఇదే తొలిసారి.