Jason Roy ఒకే ఓవర్లో 4, L4, 4, 4.. SRH టీమ్లో నయా హిట్టర్
సన్రైజర్స్ హైాదరాబాద్ టీమ్కి తొలిసారి ఆడిన జేసన్ రాయ్.. విధ్వంసక ఇన్నింగ్స్తో జట్టుకి విజయాన్ని అందించాడు. డేవిడ్ వార్నర్ స్థానంలో ఈ ఓపెనర్కి ఛాన్స్ లభించింది.
Samayam Telugu 28 Sep 2021, 8:33 am
ప్రధానాంశాలు:
- రాజస్థాన్పై జేసన్ రాయ్ మెరుపు హాఫ్ సెంచరీ
- రెండు ఓవర్లలో 39 పరుగులు రాబట్టిన ఓపెనర్
- డేవిడ్ వార్నర్ స్థానంలో టీమ్కి వచ్చిన రాయ్
- హైదరాబాద్కి రాయ్ ఆడటం ఇదే తొలిసారి
ఐపీఎల్ 2021 సీజన్లో వరుస పరాజయాలతో ఢీలాపడిపోయిన సన్రైజర్స్ హైదరాబాద్కి కొత్త ఓపెనర్ జేసన్ రాయ్ ఉత్సాహానిచ్చే విజయాన్ని అందించాడు. రాజస్థాన్ రాయల్స్తో దుబాయ్ వేదికగా సోమవారం రాత్రి జరిగిన మ్యాచ్లో 42 బంతుల్లోనే 8x4, 1x6 సాయంతో 60 పరుగులు చేసిన జేసన్ రాయ్.. మ్యాచ్ని రాజస్థాన్ నుంచి లాగేశాడు. రాయ్ దెబ్బకి క్రిస్ మోరీస్ ఒకే ఓవర్లో 18 పరుగులు సమర్పించుకోగా.. స్పిన్నర్ రాహుల్ తెవాటియా ఏకంగా 21 పరుగులు ఇచ్చేశాడు. మ్యాచ్లో ఫస్ట్ బ్యాటింగ్ చేసిన రాజస్థాన్ 5 వికెట్ల నష్టానికి 164 పరుగులు చేయగా.. లక్ష్యాన్ని 18.3 ఓవర్లలోనే 167/3తో హైదరాబాద్ ఛేదించేసింది. సీనియర్ ఓపెనర్ డేవిడ్ వార్నర్పై ఈ మ్యాచ్లో వేటు పడగా.. అతని స్థానంలో టీమ్లోకి వచ్చిన జేసన్ రాయ్.. నాలుగో ఓవర్ నుంచే టాప్గేర్లోకి వెళ్లిపోయాడు. ఆ ఓవర్ వేసిన ముస్తాఫిజుర్కి రెండు ఫోర్లు బాదిన జేసన్ రాయ్.. ఆ తర్వాత ఐదో ఓవర్లో బౌలింగ్కి వచ్చిన క్రిస్ మోరీస్కి 4, L4, 4, 4 రూపంలో ఎడా పెడా బౌండరీలు బాదేశాడు. ఆ తర్వాత ఇన్నింగ్స్ 11వ ఓవర్లో రాహుల్ తెవాటియా బౌలింగ్కిరాగా.. అతనికీ ఒక సిక్స్, రెండు ఫోర్లని రాయ్ బాదేశాడు. దాంతో.. ఆ ఓవర్లో 21 పరుగులు వచ్చాయి. మొత్తంగా.. 11 ఓవర్లు ముగిసే సమయానికే 111/1తో హైదరాబాద్ తిరుగులేని స్థితిలో నిలవగా.. ఆ తర్వాత ఓవర్లో జేసన్ రాయ్ ఔటైపోయాడు. కానీ.. అప్పటికే మ్యాచ్ చేతుల్లోకి వచ్చేయడంతో.. కెప్టెన్ కేన్ విలియమ్సన్ (51 నాటౌట్: 41 బంతుల్లో 5x4, 1x6), అభిషేక్ శర్మ (21 నాటౌట్: 16 బంతుల్లో 1x4, 1x6) గెలుపు లాంఛనాన్నిమరో 9 బంతులు మిగిలి ఉండగానే పూర్తి చేశారు.
ఐపీఎల్ 2021 సీజన్లో 10 మ్యాచ్లాడిన సన్రైజర్స్ హైదరాబాద్కి ఇది రెండో గెలుపుకాగా.. వరుసగా నాలుగు ఘోర పరాజయాల తర్వాత మళ్లీ హైదరాబాద్ గెలిచింది. అయితే.. పాయింట్ల పట్టికలో చిట్టచివరి స్థానంలో ఉన్న సన్రైజర్స్ ప్లేఆఫ్కి చేరడం అసాధ్యంలా కనిపిస్తోంది.
ఐపీఎల్ 2021 సీజన్లో 10 మ్యాచ్లాడిన సన్రైజర్స్ హైదరాబాద్కి ఇది రెండో గెలుపుకాగా.. వరుసగా నాలుగు ఘోర పరాజయాల తర్వాత మళ్లీ హైదరాబాద్ గెలిచింది. అయితే.. పాయింట్ల పట్టికలో చిట్టచివరి స్థానంలో ఉన్న సన్రైజర్స్ ప్లేఆఫ్కి చేరడం అసాధ్యంలా కనిపిస్తోంది.