ఐపీఎల్ 2021 సీజన్ ప్లేఆఫ్స్ రేసులో నిలవాలంటే తప్పక గెలవాల్సిన మ్యాచ్లో కోల్కతా నైట్రైడర్స్ మెరుగైన ప్రదర్శనతో ఆకట్టుకుంది. సన్రైజర్స్ హైదరాబాద్తో దుబాయ్ వేదికగా ఆదివారం రాత్రి జరిగిన మ్యాచ్లో తొలుత బౌలింగ్లో ఆకట్టుకున్న కోల్కతా.. ఆ తర్వాత బ్యాటింగ్లోనూ సత్తాచాటి 6 వికెట్ల తేడాతో విజయాన్ని అందుకుంది. దాంతో.. మ్యాచ్లో టాస్ గెలిచి మొదట బ్యాటింగ్ చేసిన హైదరాబాద్ 115 పరుగులే చేయగా.. లక్ష్యాన్నిమరో రెండు బంతులు మిగిలి ఉండగానే 119/4తో కోల్కతా ఛేదించేసింది. సీజన్లో 13వ మ్యాచ్ ఆడిన కోల్కతాకి ఇది ఆరో గెలుపుకాగా.. పాయింట్ల పట్టికలోనూ ఆ జట్టు నాలుగో స్థానంలో నిలిచింది. మరోవైపు హైదరాబాద్కి ఇది పదో ఓటమికాగా.. పట్టికలో చిట్టచివరి స్థానంలో సన్రైజర్స్ కొనసాగుతోంది. 116 పరుగుల ఛేదనలో కోల్కతా విజయానికి ఓపెనర్ శుభమన్ గిల్ (57: 51 బంతుల్లో 10x4) హాఫ్ సెంచరీతో బాటలు వేశాడు. కానీ.. మరో ఓపెనర్ వెంకటేశ్ అయ్యర్ (8), రాహుల్ త్రిపాఠి (7) తక్కువ స్కోరుకే ఔటైపోగా.. నితీశ్ రాణా (25: 33 బంతుల్లో 3x4) మిడిల్ ఓవర్లలో సహనంతో బ్యాటింగ్ చేశాడు. అయితే.. టీమ్ స్కోరు 93 వద్ద గిల్, 106 వద్ద రాణా వికెట్ చేజార్చుకోవడంతో.. కోల్కతా చివర్లో కాస్త టెన్షన్ పడినట్లు కనిపించింది. కానీ.. దినేశ్ కార్తీక్ (18 నాటౌట్: 12 బంతుల్లో 3x4) చూడచక్కని బౌండరీలతో మ్యాచ్ని ముగించాడు. ఆఖరి ఓవర్లో కోల్కతా విజయానికి 3 పరుగులు అవసరమవగా.. సిద్ధార్థ కౌల్ బౌలింగ్లో కార్తీక్ బౌండరీతో గెలుపు లాంఛనాన్ని పూర్తి చేశాడు.
మ్యాచ్లో అంతకముందు టాస్ గెలిచిన హైదరాబాద్ కెప్టెన్ కేన్ విలియమ్సన్ బ్యాటింగ్ ఎంచుకున్నాడు. కానీ.. మొదటి ఓవర్లోనే ఓపెనర్ సాహా (0) ఔటైపోగా.. మరో ఓపెనర్ జేసన్ రాయ్ (10: 13 బంతుల్లో 2x4) కూడా తక్కువ స్కోరుకే వికెట్ చేజార్చుకున్నాడు. ఈ దశలో ప్రియమ్ గార్గ్ (21: 31 బంతుల్లో 1x6)తో కలిసి సమయోచితంగా ఆడిన కేన్ విలియమ్సన్ (26: 21 బంతుల్లో 4x4).. హైదరాబాద్కి మెరుగైన స్కోరుని అందించేలా కనిపించాడు. కానీ.. టీమ్ స్కోరు 38 వద్ద లేని పరుగు కోసం ప్రయత్నిస్తూ విలియమ్సన్ రనౌట్గా వెనుదిరగాడు. ఆ తర్వాత వచ్చిన అభిషేక్ శర్మ (6), జేసన్ హోల్డర్ (2), రషీద్ ఖాన్ (8) తేలిపోగా.. చివర్లో అబ్దుల్ సమద్ (25: 18 బంతుల్లో 3x6) మూడు సిక్సర్లు కొట్టాడు. దాంతో.. హైదరాబాద్ 115 పరుగులైనా చేయగలిగింది.
మ్యాచ్లో అంతకముందు టాస్ గెలిచిన హైదరాబాద్ కెప్టెన్ కేన్ విలియమ్సన్ బ్యాటింగ్ ఎంచుకున్నాడు. కానీ.. మొదటి ఓవర్లోనే ఓపెనర్ సాహా (0) ఔటైపోగా.. మరో ఓపెనర్ జేసన్ రాయ్ (10: 13 బంతుల్లో 2x4) కూడా తక్కువ స్కోరుకే వికెట్ చేజార్చుకున్నాడు. ఈ దశలో ప్రియమ్ గార్గ్ (21: 31 బంతుల్లో 1x6)తో కలిసి సమయోచితంగా ఆడిన కేన్ విలియమ్సన్ (26: 21 బంతుల్లో 4x4).. హైదరాబాద్కి మెరుగైన స్కోరుని అందించేలా కనిపించాడు. కానీ.. టీమ్ స్కోరు 38 వద్ద లేని పరుగు కోసం ప్రయత్నిస్తూ విలియమ్సన్ రనౌట్గా వెనుదిరగాడు. ఆ తర్వాత వచ్చిన అభిషేక్ శర్మ (6), జేసన్ హోల్డర్ (2), రషీద్ ఖాన్ (8) తేలిపోగా.. చివర్లో అబ్దుల్ సమద్ (25: 18 బంతుల్లో 3x6) మూడు సిక్సర్లు కొట్టాడు. దాంతో.. హైదరాబాద్ 115 పరుగులైనా చేయగలిగింది.