ఐపీఎల్ 2021 సీజన్‌లో రాజస్థాన్ రాయల్స్ ఊహించని విజయంతో బోణి కొట్టింది. ఢిల్లీ క్యాపిటల్స్‌తో ముంబయిలోని వాంఖడే స్టేడియం వేదికగా గురువారం రాత్రి జరిగిన మ్యాచ్‌లో 148 పరుగుల లక్ష్యఛేదనకు దిగిన రాజస్థాన్ టీమ్.. డేవిడ్ మిల్లర్ (62: 43 బంతుల్లో 7x4, 2x6), క్రిస్ మోరీస్ (36 నాటౌట్: 18 బంతుల్లో 4x6) దూకుడుగా ఆడటంతో మరో రెండు బంతులు మిగిలి ఉండగానే 150/7తో విజయాన్ని అందుకుంది. వాస్తవానికి ఆరంభంలోనే వికెట్లు చేజార్చుకున్న రాజస్థాన్ ఒకానొక దశలో 42/5తో ఓడిపోయేలా కనిపించింది. కానీ.. మిడిల్ ఓవర్లలో మిల్లర్.. చివర్లో క్రిస్ మోరీస్ బాధ్యతాయుత హిట్టింగ్‌తో ఆ జట్టుని గెలిపించారు. రాజస్థాన్ విజయానికి చివరి 12 బంతుల్లో 27 పరుగులు అవసరమైన దశలో కగిసో రబాడ నుంచి ఒకే ఓవర్‌లో మోరీస్ 15 పరుగులు పిండుకోవడం మ్యాచ్ టర్నింగ్ పాయింట్.
రబాడకి రెండు సిక్సర్లు కొట్టడంతో క్రిస్ మోరీస్‌లోనూ ఆత్మవిశ్వాసం పతాక స్థాయికి చేరింది. అదే ఊపులో ఇన్నింగ్స్ చివరి ఓవర్ వేసిన టామ్ కరన్ బౌలింగ్‌లో మొదటి నాలుగు బంతుల్లోనే రెండు సిక్సర్లు, ఒక డబుల్ తీసేశాడు. నాలుగో బంతి హై ఫుల్ టాస్ రూపంలో పడగా.. స్వ్కేర్ లెగ్ దిశగా సిక్స్ రూపంలో హిట్ చేసిన మోరీస్.. మ్యాచ్‌ని ముగించేశాడు. ఒకవేళ రబాడ ఆ ఓవర్‌ని కాస్త పొదుపుగా బౌలింగ్ చేసి ఉంటే..? చివరి ఓవర్‌లో మోరీస్‌కి కష్టమయ్యేది.
రబాడకి రెండు సిక్సర్లు కొట్టడంతో క్రిస్ మోరీస్‌లోనూ ఆత్మవిశ్వాసం పతాక స్థాయికి చేరింది. అదే ఊపులో ఇన్నింగ్స్ చివరి ఓవర్ వేసిన టామ్ కరన్ బౌలింగ్‌లో మొదటి నాలుగు బంతుల్లోనే రెండు సిక్సర్లు, ఒక డబుల్ తీసేశాడు. నాలుగో బంతి హై ఫుల్ టాస్ రూపంలో పడగా.. స్వ్కేర్ లెగ్ దిశగా సిక్స్ రూపంలో హిట్ చేసిన మోరీస్.. మ్యాచ్‌ని ముగించేశాడు. ఒకవేళ రబాడ ఆ ఓవర్‌ని కాస్త పొదుపుగా బౌలింగ్ చేసి ఉంటే..? చివరి ఓవర్‌లో మోరీస్‌కి కష్టమయ్యేది.