ఢిల్లీ క్యాపిటల్స్ ఓపెనర్ పృథ్వీ షాకి జరిమానా పడింది. లక్నో సూపర్ జెయింట్స్తో ఆదివారం వాంఖడే వేదికగా జరిగిన మ్యాచ్లో కేవలం 5 పరుగుల వద్దే పృథ్వీ షా ఔటైపోగా.. ఈ మ్యాచ్లో అతను ఐపీఎల్ నియమ నిబంధనల్ని ఉల్లఘించినట్లు మ్యాచ్ రిఫరీ తేల్చాడు. దాంతో.. పృథ్వీ షా మ్యాచ్ ఫీజులో రిఫరీ 25% కోత విధించినట్లు ఐపీఎల్ ఓ ప్రకటనలో తెలిపింది. కానీ.. పృథ్వీ షా ఎక్కడ నియమ నిబంధనల్ని ఉల్లఘించాడో మాత్రం ఆ ప్రకటనలో పేర్కొనలేదు. మ్యాచ్లో టాస్ గెలిచి మొదట బ్యాటింగ్ చేసిన లక్నో సూపర్ జెయింట్స్ టీమ్ 3 వికెట్ల నష్టానికి 195 పరుగులు చేసింది. ఆ జట్టులో కెప్టెన్ కేఎల్ రాహుల్ 51 బంతుల్లో 4x4, 5x6 సాయంతో 77 పరుగులు చేయగా.. దీపక్ హుడా (52) కూడా హాఫ్ సెంచరీ నమోదు చేశాడు. ఫీల్డింగ్ సమయంలో పృథ్వీ షా కనీసం ఒక్క క్యాచ్ కూడా పట్టలేదు. ఒకవేళ క్యాచ్ పట్టి ఉంటే? అతిగా సంబరాలు చేసుకోవడం లాంటి తప్పిదాన్ని చేసి ఉంటాడని ఊహించొచ్చు. అలానే అతను బౌలింగ్ కూడా చేయలేదు.
అనంతరం బ్యాటింగ్లో రెండో ఓవర్లోనే పృథ్వీ షా ఔటైపోయాడు. లక్నో ఫాస్ట్ బౌలర్ చమీరా విసిరిన షార్ట్ పిచ్ బంతిని సిక్స్గా కొట్టబోయిన పృథ్వీ షా.. షాట్ ఆడటంలో లేట్ అయిపోయాడు. దాంతో.. అతని బ్యాట్ టాప్ ఎడ్జ్ తాకిన బంతి గాల్లోకి లేచిపోగా.. కృష్ణప్ప గౌతమ్ చక్కగా క్యాచ్ అందుకున్నాడు. దాంతో.. నిరాశగా పెవిలియన్కి పృథ్వీ షా వెళ్లాడు. ఇక్కడ కూడా ఫీల్డ్ అంపైర్ వైపు చూడటం లేదా ఫీల్డర్తో వాగ్వాదానికి దిగడం లాంటివి అతను చేయలేదు. దాంతో.. పృథ్వీ షా చేసిన తప్పిదం ఏంటి? అనేది ఓ మిస్టరీగా మిగిలిపోయింది. ఐపీఎల్ ప్రకటనలో మాత్రం పృథ్వీ షా లెవల్ 1 తప్పిదానికి పాల్పడినట్లు పేర్కొంది. మ్యాచ్లో లక్నో టీమ్ 6 పరుగుల తేడాతో గెలిచింది.
అనంతరం బ్యాటింగ్లో రెండో ఓవర్లోనే పృథ్వీ షా ఔటైపోయాడు. లక్నో ఫాస్ట్ బౌలర్ చమీరా విసిరిన షార్ట్ పిచ్ బంతిని సిక్స్గా కొట్టబోయిన పృథ్వీ షా.. షాట్ ఆడటంలో లేట్ అయిపోయాడు. దాంతో.. అతని బ్యాట్ టాప్ ఎడ్జ్ తాకిన బంతి గాల్లోకి లేచిపోగా.. కృష్ణప్ప గౌతమ్ చక్కగా క్యాచ్ అందుకున్నాడు. దాంతో.. నిరాశగా పెవిలియన్కి పృథ్వీ షా వెళ్లాడు. ఇక్కడ కూడా ఫీల్డ్ అంపైర్ వైపు చూడటం లేదా ఫీల్డర్తో వాగ్వాదానికి దిగడం లాంటివి అతను చేయలేదు. దాంతో.. పృథ్వీ షా చేసిన తప్పిదం ఏంటి? అనేది ఓ మిస్టరీగా మిగిలిపోయింది. ఐపీఎల్ ప్రకటనలో మాత్రం పృథ్వీ షా లెవల్ 1 తప్పిదానికి పాల్పడినట్లు పేర్కొంది. మ్యాచ్లో లక్నో టీమ్ 6 పరుగుల తేడాతో గెలిచింది.