‘జాస్సీమ్ ఆంటీ.. రస్సెల్ ఫామ్‌‌లో లేడు దుబాయ్ వెళ్లండి’.. తుంటరికి క్రికెటర్ భార్య స్ట్రాంగ్ కౌంటర్

టీ20ల్లో భీకర హిట్టర్లలో కరేబియన్ ఆటగాడు ఆండ్రీ రస్సెల్ ఒకరు. బ్యాట్‌తోపాటు బంతితోనూ సత్తా చాటే ఈ కోల్‌కతా నైట్ రైడర్స్ ఆటగాడు.. ఈ సీజన్లో బ్యాటింగ్‌లో అంతగా ఆకట్టుకోలేకపోతున్నాడు. సన్‌రైజర్స్‌తో మినహా కోల్‌కతా ఆడిన మిగతా ఐదు మ్యాచ్‌ల్లో బ్యాటింగ్ చేసిన రస్సెల్ 55 రన్స్ మాత్రమే చేశాడు. శుభ్‌మన్ గిల్, ఇయాన్ మోర్గాన్, రాహుల్ త్రిపాఠి లాంటి ఇతర బ్యాట్స్‌మెన్ రాణిస్తుండటంతో.. రస్సెల్ బ్యాటింగ్ వైఫల్యం నైట్ రైడర్స్‌పై అంతగా ప్రభావం చూపడం లేదు.

గత సీజన్లో మాదిరిగా రస్సెల్ ఆడకపోవడం.. నాలుగు సిక్సులు మాత్రమే బాదడంతో.. ఫ్యాన్స్ అసహంతో ఉన్నారు. రస్సెల్ భార్య జాసీ లారా రస్సెల్ ఇన్‌స్టాగ్రామ్‌లో ఓ ఫొటో పోస్ట్ చేయగా.. ‘జాస్సీమ్ ఆంటీ రస్సెల్ మంచి ఫామ్‌లో లేడు.. మీరు దుబాయ్ వెళ్లండి’ అని ఓ అభిమాని కామెంట్ చేశాడు.
అతడి మాటల్లోని ఆంతర్యాన్ని అర్థం చేసుకున్న జాసీమ్.. అతడు అద్భుతమైన ఫామ్‌లో ఉన్నాడంటూ ఘాటుగా రిప్లయ్ ఇచ్చింది. ‘మేడమ్.. మీకు, రస్సెల్ మధ్య అంతా సవ్యంగానే ఉందా..?’ అని మరో అభిమాని ప్రశ్నించగా.. అనుకుంటా.. ఎందుకు? అని జాసీ బదులిచ్చింది.

ఈ ఐపీఎల్ సీజన్లో ఆటగాళ్లు విఫలమైతే.. వారి కుటుంబ సభ్యులను టార్గెట్ చేయడం చూస్తున్నాం. కో‌ల్‌కతాతో మ్యాచ్‌లో చెన్నై ఓడిన తర్వాత ధోనీ, జాదవ్‌ను టార్గె చేసిన ఫ్యాన్స్.. ధోనీ ఐదేళ్ల కూతురు జీవాను రేప్ చేస్తామని బెదిరించిన సంగతి తెలిసిందే.