ఐపీఎల్ 2023 (IPL 2023) సీజన్ని ఓటమితో ఢిల్లీ క్యాపిటల్స్ (Delhi Capitals) ప్రారంభించింది. లక్నో వేదికగా ఢిల్లీ క్యాపిటల్స్తో శనివారం రాత్రి జరిగిన మ్యాచ్లో లక్నో సూపర్ జెయింట్స్ (Lucknow Super Giants) 50 పరుగుల తేడాతో ఘన విజయాన్ని అందుకుంది. ఫస్ట్ బ్యాటింగ్ చేసిన లక్నో 193 పరుగులు చేయగా.. లక్ష్యఛేదనలో ఢిల్లీ క్యాపిటల్స్ 143/9కే పరిమితమైంది. 4 ఓవర్లు వేసిన లక్నో పాస్ట్ బౌలర్ మార్క్వుడ్ (Mark Wood) 14 పరుగులిచ్చి ఏకంగా 5 వికెట్లు పడగొట్టాడు. 194 పరుగుల ఛేదనలో ఢిల్లీ క్యాపిటల్స్ ఓపెనర్ పృథ్వీ షా (12) ఫస్ట్లోనే వికెట్ చేజార్చుకోగా.. అనంతరం వచ్చిన మిచెల్ మార్ష్ (0), సర్ఫరాజ్ ఖాన్ (4) వరుసగా ఔటైపోయారు. ఈ ముగ్గురినీ లక్నో ఫాస్ట్ బౌలర్ మార్క్వుడ్ పెవిలియన్ బాట పట్టించాడు. అయితే.. ఒక ఎండ్లో వికెట్లు పడుతున్నా మరో ఎండ్లో డేవిడ్ వార్నర్ (56: 48 బంతుల్లో 7x4) 16వ ఓవర్ వరకూ క్రీజులో ఉండి ఒంటరి పోరాటం చేశాడు. అతనికి రిలీ రొసౌ (30: 20 బంతుల్లో 3x4, 1x6) మధ్యలో సహకారం అందించినా.. రొవ్మెన్ పొవెల్ (1), అమన్ హకీమ్ ఖాన్ (4) కీలక సమయంలో ఔటైపోవడంతో ఢిల్లీ క్యాపిటల్స్ ఓటమి ఖాయమైంది. చివర్లో అక్షర్ పటేల్ (16: 11 బంతుల్లో 1x4, 1x6) టీమ్ ఓటమి అంతరాన్ని మాత్రమే తగ్గించగలిగింది.
మ్యాచ్లో అంతకముందు టాస్ ఓడి మొదట బ్యాటింగ్ చేసిన లక్నో సూపర్ జెయింట్స్ టీమ్ 6 వికెట్ల నష్టానికి 193 పరుగులు చేసింది. ఆ టీమ్లో కేల్ మేయర్స్ (73: 38 బంతుల్లో 2x4, 7x6) భారీ సిక్సర్లతో చెలరేగిపోగా.. నికోలస్ పూరన్ (36), ఆయుష్ బదోని (18) ఆఖర్లో విలువైన పరుగులు చేశారు. ఢిల్లీ బౌలర్లలో ఖలీల్, చేతన్ సకారియా చెరో రెండు, అక్షర్, కుల్దీప్ చెరో వికెట్ తీశారు. మ్యాచ్ ఆరంభంలోనే మేయర్స్ క్యాచ్ని ఖలీల్ అహ్మద్ నేలపాలు చేయగా.. అతను లక్నో టీమ్కి భారీ స్కోరుని అందించేశాడు.
Read Latest Sports News, Cricket News, Telugu News
మ్యాచ్లో అంతకముందు టాస్ ఓడి మొదట బ్యాటింగ్ చేసిన లక్నో సూపర్ జెయింట్స్ టీమ్ 6 వికెట్ల నష్టానికి 193 పరుగులు చేసింది. ఆ టీమ్లో కేల్ మేయర్స్ (73: 38 బంతుల్లో 2x4, 7x6) భారీ సిక్సర్లతో చెలరేగిపోగా.. నికోలస్ పూరన్ (36), ఆయుష్ బదోని (18) ఆఖర్లో విలువైన పరుగులు చేశారు. ఢిల్లీ బౌలర్లలో ఖలీల్, చేతన్ సకారియా చెరో రెండు, అక్షర్, కుల్దీప్ చెరో వికెట్ తీశారు. మ్యాచ్ ఆరంభంలోనే మేయర్స్ క్యాచ్ని ఖలీల్ అహ్మద్ నేలపాలు చేయగా.. అతను లక్నో టీమ్కి భారీ స్కోరుని అందించేశాడు.
Read Latest Sports News, Cricket News, Telugu News