ఐపీఎల్ 2019 సీజన్‌లో మళ్లీ పరాజయాల బాట పట్టిన రాయల్ ఛాలెంజర్స్ బెంగళూరు టీమ్‌ని అభిమానులు ఓ రేంజ్‌లో ఆడుకుంటున్నారు. వాంఖడే వేదికగా బెంగళూరుతో సోమవారం రాత్రి జరిగిన మ్యాచ్‌లో ముంబయి ఇండియన్స్ జట్టు 5 వికెట్ల తేడాతో అలవోక విజయాన్ని అందుకుంది. అయితే.. ముంబయి గెలుపునకి ఆఖరి 12 బంతుల్లో 22 పరుగులు అవసరమవగా.. బౌలింగ్ కోచ్ ఆశిష్ నెహ్రా సూచన మేరకు 19వ ఓవర్‌‌ని స్పిన్నర్ పవన్ నేగితో బెంగళూరు కెప్టెన్ విరాట్ కోహ్లి వేయించాడు. కానీ.. ఆ ఓవర్‌లో వరుసగా 6, 4, 4, 6 బాదేసిన హార్దిక్ పాండ్య.. మరో 6 బంతులు మిగిలి ఉండగానే ముంబయికి విజయాన్ని అందించాడు. దీంతో.. ఇప్పుడు కోహ్లీ, ఆశిష్ నెహ్రాపై బెంగళూరు అభిమానులు మండిపడుతున్నారు.
పవన్ నేగితో 19వ ఓవర్‌లో బౌలింగ్ చేయించడంపై విరాట్ కోహ్లి మాట్లాడుతూ ‘అప్పటికి క్రీజులో హార్దిక్ పాండ్య, కీరన్ పొలార్డ్ రూపంలో ఇద్దరూ కుడిచేతి వాటం బ్యాట్స్‌మెన్‌లు ఉండటంతో.. ఎడమ చేతి వాటం స్పిన్నర్‌గా ఉన్న పవన్ నేగితో బౌలింగ్ చేయించాం. కొద్దిగా మంచు పడుతుండటంతో రిస్క్ తీసుకోక తప్పలేదు. కానీ.. ఫలితం మాకు అనుకూలంగా రాలేదు’ అని కోహ్లీ వెల్లడించాడు.
పవన్ నేగితో 19వ ఓవర్‌లో బౌలింగ్ చేయించడంపై విరాట్ కోహ్లి మాట్లాడుతూ ‘అప్పటికి క్రీజులో హార్దిక్ పాండ్య, కీరన్ పొలార్డ్ రూపంలో ఇద్దరూ కుడిచేతి వాటం బ్యాట్స్‌మెన్‌లు ఉండటంతో.. ఎడమ చేతి వాటం స్పిన్నర్‌గా ఉన్న పవన్ నేగితో బౌలింగ్ చేయించాం. కొద్దిగా మంచు పడుతుండటంతో రిస్క్ తీసుకోక తప్పలేదు. కానీ.. ఫలితం మాకు అనుకూలంగా రాలేదు’ అని కోహ్లీ వెల్లడించాడు.