CSK vs DC Trolls: ధోనీ చూసుకోవా..? స్లో అండ్ స్టెడీ‌పై నెటిజన్లు సెటైర్లు

ఐపీఎల్ 2020 సీజన్‌లో చెన్నై సూపర్ కింగ్స్ ప్రయాణం సాఫీగా జరగడం లేదు. యూఏఈ వేదికగా టోర్నీ మొదలై ఈరోజుకి సరిగ్గా వారం రోజులుకాగా.. మూడు మ్యాచ్‌లాడిన చెన్నై టీమ్.. ఒక మ్యాచ్‌లో గెలిచి రెండింటిలో ఓడింది. వాస్తవానికి ఐపీఎల్ ఆరంభ సీజన్ నుంచి చెన్నై సూపర్ కింగ్స్ ఈ తరహాలో అదీ టోర్నీ ఆరంభంలోనే తత్తరపాటుకి గురవడం ఇదే తొలిసారి. కెప్టెన్ ధోనీ వ్యూహాలతో భారీ స్కోర్లు కూడా అలవోకగా ఛేదించగలిగిన చెన్నై సూపర్ కింగ్స్ తాజాగా సీజన్‌లో స్లో అండ్ స్టెడీ వ్యూహంతో వరుసగా మూడు మ్యాచ్‌ల్లో ఛేదనకు దిగి.. తొలి మ్యాచ్ మినహా మిగిలిన రెండు మ్యాచ్‌ల్లో 16, 44 పరుగుల తేడాతో ఓడిపోయింది. దాంతో అభిమానులు సెటైరికల్‌గా చెన్నై గేమ్ ప్లాన్‌లపై స్పందిస్తున్నారు.

Read More: undefined

దుబాయ్ వేదికగా ఢిల్లీ క్యాపిటల్స్‌తో శుక్రవారం రాత్రి జరిగిన మ్యాచ్‌లో 176 పరుగుల లక్ష్యఛేదనకు దిగిన చెన్నై టీమ్ 131/7కే పరిమితమైంది. ఇంకా ఆసక్తికరమైన విషయం ఏంటంటే..? చెన్నై ఓడిన గత రెండు మ్యాచ్‌ల్లోనూ ఆఖరి ఓవర్‌‌‌లో ధోనీ క్రీజులో ఉన్నాడు. కానీ.. అప్పటికే బంతులు, పరుగుల మధ్య భారీగా అంతరం పెరిగిపోయింది. గతంలో మ్యాచ్ గమనానికి అనుగుణంగా బ్యాటింగ్ ఆర్డర్‌లో మార్పులు చేసుకుంటూ ముందుకు వచ్చే ధోనీ.. తాజా సీజన్‌లో మాత్రం యువ క్రికెటర్లని ముందుకు నెట్టి తాను వెనుక ఉండిపోతున్నాడు. దాంతో.. స్లాగ్ ఓవర్లు వచ్చే సమయానికి ఓవర్‌కి 15-18 పరుగులు చేయాల్సిన పరిస్థితి ఏర్పడుతోంది.

Read More: undefined

చెన్నై జట్టులోని ఓపెనర్లు మురళీ విజయ్, షేన్ వాట్సన్ కూడా వేగంగా ఆడటం లేదు. తొలి పవర్‌ప్లేలో నెమ్మదిగా ఆడుతున్న ఈ జోడీ.. ఆ తర్వాత వెంట వెంటనే ఔటవుతోంది. దాంతో.. ఆ తర్వాత వచ్చిన బ్యాట్స్‌మెన్‌లు క్రీజులో కుదురుకుని హిట్టింగ్ చేసే సమయానికి పుణ్యంకాలం కాస్త గడిచిపోయి.. బంతులు, చేయాల్సిన పరుగులు మధ్య అంతరం భారీగా పెరిగిపోతోంది. స్లో అండ్ స్టెడీ ప్లాన్ ఈ ఐపీఎల్‌లో వర్కవుట్ అవదంటూ చెన్నైకి నెటిజన్లు చురకలు వేస్తున్నారు.

Read More: undefined