యాప్నగరం

IPL Final ఆడకుండా ధోనీపై నిషేధం..! అంపైర్లతో వాగ్వాదానికి భారీ మూల్యం..?

IPL Final చేరిన చెన్నై సూపర్ కింగ్స్‌.. మే 28న జరగనున్న బిగ్ మ్యాచ్ కోసం సన్నద్ధం అవుతోంది. కాగా తొలి క్వాలిఫైయర్ మ్యాచ్‌లో అంపైర్లతో వాగ్వాదానికి దిగిన ధోనీ ఫైనల్‌ ఆడకుండా నిషేధం పడే అవకాశం ఉంది.

Authored byరవి కుమార్ | Samayam Telugu 24 May 2023, 3:39 pm

ప్రధానాంశాలు:

  • క్వాలిఫైయర్-1 మ్యాచ్‌లో అంపైర్లతో ధోనీ వాగ్వాదం
  • 4 నిమిషాలపాటు నిలిచిపోయిన మ్యాచ్
  • దీంతో ధోనీ ఫైనల్ ఆడకుండా నిషేధించే అవకాశం
హైలైట్స్ చదవాలంటే యాప్‌ను డౌన్‌లోడ్ చేసుకోండి
Samayam Telugu MS Dhoni
MS Dhoni
చెన్నై సూపర్ కింగ్స్, గుజరాత్ టైటాన్స్ మధ్య జరిగిన తొలి క్వాలిఫైయర్‌ మ్యాచ్ 9 నిమిషాలు ఆలస్యంగా ముగిసింది. మతీష పథిరన రెండో ఓవర్ బౌలింగ్ చేయడానికి ఒప్పుకోకపోవడంతో.. అంపైర్లతో ధోనీ వాగ్వాదానికి దిగాడు. దీంతో మ్యాచ్ నాలుగు నిమిషాలు ఆలస్యమైంది. తొలి ఓవర్ వేశాక 9 నిమిషాలపాటు బ్రేక్ తీసుకున్న పథిరన.. తిరిగొచ్చాక మైదానంలో తగినంత సమయం గడపకపోవడంతో.. అతడు బౌలింగ్ చేయడానికి అంపైర్లు ఒప్పుకోలేదు.
అంపైర్లతో ధోనీ నాలుగు నిమిషాలు ‘చర్చించడంతో’.. పథిరన తిరిగి బౌలింగ్ చేయడానికి వీలు చిక్కింది. దీంతో చెన్నై సూపర్ కింగ్స్‌కు ప్రయోజనం చేకూరినప్పటికీ.. ధోనీపై మాత్రం ఫైనల్లో నిషేధం పడే ప్రమాదం పొంచి ఉంది. ఈ ఐపీఎల్ సీజన్లో స్లో ఓవర్ రేట్ కారణంగా ధోనీ ఇప్పటికే ఓసారి పెనాల్టీకి గురయ్యాడు. దీంతో ఇప్పుడు స్లో ఓవర్ రేట్ కారణంగా మరోసారి ఫైన్ విధిస్తారా..? లేదా ఐపీఎల్ నిబంధనలు ఉల్లంఘించడంతో నిషేధం విధిస్తారా..? అనేది ఆసక్తికరంగా మారింది. ఒక వేళ ధోనీపై ఒక మ్యాచ్ నిషేధం విధిస్తే.. మే 28న అహ్మదాబాద్ వేదికగా జరగనున్న ఫైనల్‌కు అతడు దూరం అవుతాడు.

అనవసరంగా మ్యాచ్ ఆలస్యమయ్యేందుకు కారణమైన ధోనీపై అంపైర్లు చర్యలు తీసుకుంటారా..? లేదా అనే విషయంలో స్పష్టత లేదు. ఒకవేళ మ్యాచ్ అధికారులు గనుక ధోనీని దోషిగా తేలిస్తే.. అతడిపై ఫైన్ పడే అవకాశం ఉంది లేదా నిషేధాన్ని సైతం ఎదుర్కోవచ్చు. ఇదే విషయాన్ని నెటిజన్లు సోషల్ మీడియాలో లేవనెత్తుతున్నారు. కానీ ఫైనల్ మ్యాచ్ కావడంతో ధోనీపై చర్యలు తీసుకునే అవకాశాలు దాదాపుగా లేవనే చెప్పాలి.

‘అంపైర్లతో ఐదు నిమిషాల వాగ్వాదం అనవసరం. దాని వల్ల ఆట ఆగిపోయింది. అలా చేసే బదులు మరో బౌలర్‌తో బౌలింగ్ చేయించాల్సింది. మ్యాచ్ ముగిసిన తర్వాత ధోనీ ఈ విషయంలో పశ్చాత్తాప పడతాడేమో’ అని కామెంటేటర్ సైమన్ డౌల్ వ్యాఖ్యానించాడు.

‘ఐపీఎల్ ఎంతో పెద్దది.. ఇది మరో ఫైనల్ మాత్రమే అనలేం. ఒకప్పుడు 8 టీమ్‌లు ఉండేవి, ఇప్పుడు పది జట్లున్నాయి. ఇది కేవలం మరో ఫైనల్ అనలేం. దీని కోసమే రెండు నెలలు కష్టపడ్డారు. ప్రతి ఒక్కరు తాము చేయాల్సింది చేశారు. మిడిలార్డర్‌కు తగినన్ని అవకాశాలు రాలేదు. గుజరాత్ జట్టు అద్భుతంగా ఉంది. వారెంతో బాగా లక్ష్యాలను చేధించారు. కాబట్టి వారిని కట్టడి చేయాలనేదే ఆలోచన. కానీ టాస్ ఓడటం మంచే చేసింది’ అని మ్యాచ్ అనంతరం ధోనీ వ్యాఖ్యానించాడు.
రచయిత గురించి
రవి కుమార్
రవి కుమార్ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్‌గా పని చేస్తున్నారు. స్పోర్ట్స్, ఏపీ, తెలంగాణకు సంబంధించిన వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 12 ఏళ్లకు పైగా అనుభవం ఉంది. గతంలో ప్రముఖ మీడియా సంస్థల్లో వార్తలు, ఎడ్యుకేషన్ సంబంధింత అంశాలను అందించారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.