ఐపీఎల్ 2020 పాయింట్ల పట్టికలో అట్టడుగున నిలిచిన రాజస్థాన్ రాయల్స్.. 2021 సీజన్కు ముందు కీలక నిర్ణయం తీసుకుంది. మినీ వేలానికి ముందు కెప్టెన్ స్టీవ్ స్మిత్ను రాయల్స్ రిలీజ్ చేసింది. స్మిత్ స్థానంలో యువ వికెట్ కీపర్ బ్యాట్స్మెన్ సంజూ శాంసన్కు కెప్టెన్సీ పగ్గాలను అప్పగించింది. జట్టులో జాస్ బట్లర్, బెన్ స్టోక్స్ లాంటి సీనియర్లు ఉన్నప్పటికీ.. భవిష్యత్తును దృష్టిలో ఉంచుకొని శాంసన్కు సారథ్య బాధ్యతలు అప్పగించింది. కాగితంపై రాజస్థాన్ జట్టు బలంగా ఉన్నప్పటికీ.. గత సీజన్లో ఆశించిన ఆటతీరు కనబర్చలేకపోయింది.
2008లో ఐపీఎల్ టైటిల్ గెలిచిన రాజస్థాన్ రాయల్స్.. 2018లో స్టీవ్ స్మిత్ను కెప్టెన్గా ప్రకటించింది. కానీ బాల్ ట్యాంపరింగ్ వివాదం కారణంగా స్మిత్ ఐపీఎల్కు దూరం కావడంతో.. అంజిక్య రహానేకు సారథ్య బాధ్యతలు అప్పగించింది. 2019లో స్మిత్ తిరిగి జట్టులో చేరినప్పటికీ.. కెప్టెన్గా రహానే వ్యవహరించాడు. 2020 సీజన్కు ముందు రాజస్థాన్ ఫ్రాంచైజీ స్మిత్కు కెప్టెన్సీ పగ్గాలు అప్పగించింది.
2020 సీజన్ ఆరంభంలో అద్భుతంగా ఆడిన స్మిత్ తర్వాత తేలిపోయాడు. 14 మ్యాచ్ల్లో కలిపి 311 రన్స్ మాత్రమే చేశాడు. అందులో 3 హాఫ్ సెంచరీలు ఉన్నాయి. స్మిత్ 2017లో అత్యధికంగా 472 రన్స్ చేశాడు. స్మిత్ గతంలో రైజింగ్ పుణే సూపర్ గెయింట్స్ కెప్టెన్గా వ్యవహరించిన సంగతి తెలిసిందే.
2008లో ఐపీఎల్ టైటిల్ గెలిచిన రాజస్థాన్ రాయల్స్.. 2018లో స్టీవ్ స్మిత్ను కెప్టెన్గా ప్రకటించింది. కానీ బాల్ ట్యాంపరింగ్ వివాదం కారణంగా స్మిత్ ఐపీఎల్కు దూరం కావడంతో.. అంజిక్య రహానేకు సారథ్య బాధ్యతలు అప్పగించింది. 2019లో స్మిత్ తిరిగి జట్టులో చేరినప్పటికీ.. కెప్టెన్గా రహానే వ్యవహరించాడు. 2020 సీజన్కు ముందు రాజస్థాన్ ఫ్రాంచైజీ స్మిత్కు కెప్టెన్సీ పగ్గాలు అప్పగించింది.
2020 సీజన్ ఆరంభంలో అద్భుతంగా ఆడిన స్మిత్ తర్వాత తేలిపోయాడు. 14 మ్యాచ్ల్లో కలిపి 311 రన్స్ మాత్రమే చేశాడు. అందులో 3 హాఫ్ సెంచరీలు ఉన్నాయి. స్మిత్ 2017లో అత్యధికంగా 472 రన్స్ చేశాడు. స్మిత్ గతంలో రైజింగ్ పుణే సూపర్ గెయింట్స్ కెప్టెన్గా వ్యవహరించిన సంగతి తెలిసిందే.