Virat Kohli టెన్త్ గ్రేడ్ మార్క్ షీట్ వెలుగులోకి.. ఇంగ్లీష్‌లో అత్యధిక మార్కులు

భారత మాజీ కెప్టెన్ విరాట్ కోహ్లీ (Virat Kohli) టెన్త్ గ్రేడ్ మార్క్ షీట్ తాజాగా వెలుగులోకి వచ్చింది. స్కూల్ డేస్ నుంచి క్రికెట్ ఆడుతున్న విరాట్ కోహ్లీ.. 12వ గ్రేడ్ వరకూ మాత్రమే చదివాడు. ఆ తర్వాత పూర్తి స్థాయిలో క్రికెటర్‌గా మారిపోయిన విరాట్ కోహ్లీ భారత్ తరఫున అండర్-19 వరల్డ్‌కప్‌లో ఆడి.. యువ భారత్ జట్టుని విజేతగా కూడా నిలిపాడు. అనంతరం టీమిండియా(Team India)లోకి ఎంట్రీ ఇచ్చి రికార్డుల మోత మోగించేస్తున్నాడు. ఐపీఎల్ 2023 కోసం ప్రస్తుతం ప్రిపేర్ అవుతున్న విరాట్ కోహ్లీ.. రాయల్ ఛాలెంజర్స్ బెంగళూరు టీమ్‌తో కలిసి బెంగళూరులో ఉన్నాడు. ఆర్సీబీ టీమ్ తన ఫస్ట్ మ్యాచ్‌ని ఆదివారం చిన్నస్వామి స్టేడియం వేదికగా ముంబయి ఇండియన్స్‌తో ఆడనుంది. గత ఏడాది సెప్టెంబరు నుంచి విరాట్ కోహ్లీ మంచి ఫామ్‌లో కొనసాగుతున్న విషయం తెలిసిందే. 16 ఏళ్ల ఐపీఎల్ చరిత్రలో ఇప్పటి వరకు బెంగళూరు టీమ్ ఒక్కసారి కూడా టైటిల్ గెలవలేకపోయింది. టీమ్‌లో కోహ్లీ ఇప్పుడు కేవలం బ్యాటర్ మాత్రమే.


విరాట్ కోహ్లీ మార్కులు చూసిన అభిమానులు ఆశ్చర్యం వ్యక్తం చేస్తున్నారు. ఇంగ్లీష్‌లో 83 మార్కులు, హిందీలో 75, మ్యాథ్స్‌లో 51, సైన్స్ అండ్ టెక్నాలజీలో ప్రాక్టీకల్స్‌తో కలిపి 81, సోషల్ సైన్స్‌లో 81, ఇంట్రోడక్టరీలో ప్రాక్టికల్స్‌తో కలిపి 74 మార్కులు వచ్చాయి. 2004 నాటి విరాట్ కోహ్లీ మార్క్‌షీట్ ఇప్పుడు సోషల్ మీడియాలో హల్‌చల్ చేస్తోంది.

Read Latest Sports News, Cricket News, Telugu News