ప్లే ఆఫ్ రేసులో నిలవాలంటే తప్పక గెలవాల్సిన మ్యాచ్లో ముంబై ఇండియన్స్ సత్తా చాటింది. తొలుత బౌలర్లు పంజాబ్ను 174 పరుగులకు పరిమితం చేశారు. 175 పరుగుల లక్ష్యంతో బరిలో దిగిన ముంబైకి సూర్య కుమార్ యాదవ్ (57) శుభారంభం ఇవ్వగా.. రోహిత్ శర్మ (24 నాటౌట్), కృనాల్ పాండ్య (12 బంతుల్లో 31 నాటౌట్) దూకుడుగా ఆడటంతో మరో ఓవర్ మిగిలి ఉండగానే ముంబై విజయాన్ని అందుకుంది.
ఈ మ్యాచ్లో రెండు సిక్స్లు బాదిన రోహిత్ అరుదైన రికార్డును ఖాతాలో వేసుకున్నాడు. టీ20 క్రికెట్లో 300 సిక్స్లు బాదిన తొలి భారత బ్యాట్స్మెన్గా రికార్డ్ నెలకొల్పాడు. రోహిత్ టీ20ల్లో 301 సిక్స్లు బాదగా.. అన్ని ఫార్మాట్లూ కలుపుకొని 499 సిక్స్లు కొట్టాడు.
టీ20ల్లో అత్యధిక సిక్స్లు బాదిన ప్రపంచ ఆటగాళ్ల జాబితాలో క్రిస్ గేల్ (844) అగ్రస్థానంలో ఉండగా.. రోహిత్ ఏడో స్థానంలో ఉన్నాడు. కీరన్ పొలార్డ్ (525), బ్రెండన్ మెక్కల్లమ్ (445) రెండు, మూడు స్థానాల్లో ఉన్నారు.
పంజాబ్పై 15 బంతుల్లో 24 పరుగులతో నాటౌట్గా నిలవడం ద్వారా రోహిత్ మరో అరుదైన రికార్డ్ సొంతం చేసుకున్నాడు. ఐపీఎల్లో ఛేజింగ్లో రోహిత్ 17సార్లు నాటౌట్గా నిలవగా.. అన్నిసార్లూ అతడి జట్టే గెలుపొందింది. డెక్కన్ ఛార్జర్స్ తరఫున నాలుగుసార్లు నాటౌట్గా నిలిచిన హిట్ మ్యాన్.. 13సార్లు ముంబై తరఫున అజేయంగా జట్టును గెలిపించాడు.
ఈ మ్యాచ్లో రెండు సిక్స్లు బాదిన రోహిత్ అరుదైన రికార్డును ఖాతాలో వేసుకున్నాడు. టీ20 క్రికెట్లో 300 సిక్స్లు బాదిన తొలి భారత బ్యాట్స్మెన్గా రికార్డ్ నెలకొల్పాడు. రోహిత్ టీ20ల్లో 301 సిక్స్లు బాదగా.. అన్ని ఫార్మాట్లూ కలుపుకొని 499 సిక్స్లు కొట్టాడు.
టీ20ల్లో అత్యధిక సిక్స్లు బాదిన ప్రపంచ ఆటగాళ్ల జాబితాలో క్రిస్ గేల్ (844) అగ్రస్థానంలో ఉండగా.. రోహిత్ ఏడో స్థానంలో ఉన్నాడు. కీరన్ పొలార్డ్ (525), బ్రెండన్ మెక్కల్లమ్ (445) రెండు, మూడు స్థానాల్లో ఉన్నారు.
పంజాబ్పై 15 బంతుల్లో 24 పరుగులతో నాటౌట్గా నిలవడం ద్వారా రోహిత్ మరో అరుదైన రికార్డ్ సొంతం చేసుకున్నాడు. ఐపీఎల్లో ఛేజింగ్లో రోహిత్ 17సార్లు నాటౌట్గా నిలవగా.. అన్నిసార్లూ అతడి జట్టే గెలుపొందింది. డెక్కన్ ఛార్జర్స్ తరఫున నాలుగుసార్లు నాటౌట్గా నిలిచిన హిట్ మ్యాన్.. 13సార్లు ముంబై తరఫున అజేయంగా జట్టును గెలిపించాడు.