భారత దిగ్గజ క్రికెటర్ సునీల్ గవాస్కర్ వివాదంలో చిక్కుకున్నాడు. ఐపీఎల్ 2022 సీజన్‌లో భాగంగా రాజస్థాన్ రాయల్స్, చెన్నై సూపర్ కింగ్స్ మధ్య శుక్రవారం రాత్రి మ్యాచ్ జరగగా.. ఈ మ్యాచ్‌కి కామెంటేటర్‌గా వ్యవహరించిన గవాస్కర్.. కామెంట్రీ బాక్స్‌లో నోరుజారాడు. రాజస్థాన్ రాయల్స్ పవర్ హిట్టర్ సిమ్రాన్ హెట్‌మెయర్ బ్యాటింగ్‌కి వచ్చినప్పుడు కామెంట్రీ బాక్స్‌లో ఉన్న గవాస్కర్.. కష్టాల్లో ఉన్న రాజస్థాన్ రాయల్స్ టీమ్‌ని గట్టెక్కించగలడా? అనే కోణంలో మాట్లాడుతూ నోరుజారాడు. దాంతో.. నెటిజన్లు తీవ్ర స్థాయిలో విమర్శలు వ్యక్తం చేస్తున్నారు.
151 పరుగుల లక్ష్యఛేదనలో రాజస్థాన్ రాయల్స్ టీమ్ 14.5 ఓవర్లు ముగిసే సమయానికి 104/4తో నిలిచింది. ఈ దశలో సిమ్రాన్ హెట్‌మెయర్ క్రీజులోకి వెళ్లగా.. రాజస్థాన్‌ని అతను గెలిపించగలడా? అంటూ మాట్లాడిన సునీల్ గవాస్కర్ నోరుజారాడు. ఈక్రమంలో హెట్‌మెయర్ భార్య ఇటీవల డెలివరీ అయిన విషయాన్ని కూడా గవాస్కర్ ప్రస్తావించాడు. దాంతో.. నెటిజన్లు మండిపడుతున్నారు.
మ్యాచ్‌లో 7 బంతులాడిన హెట్‌మెయర్ 1x4 సాయంతో 6 పరుగులే చేసి ఔటయ్యాడు. కానీ.. రాజస్థాన్ రాయల్స్ టీమ్ 5 వికెట్ల తేడాతో విజయాన్ని అందుకోగలిగింది. అలానే ఆ టీమ్‌కి ప్లేఆఫ్స్ బెర్తు కూడా ఖరారైంది. తన భార్య ప్రసవ సమయంలో ఆమె చెంత ఉండేందుకు ఇటీవల వెస్టిండీస్‌కి వెళ్లిన హెట్‌మెయర్.. ఈ మ్యాచ్‌కి రెండు రోజుల ముందే భారత్‌కి వచ్చాడు.
151 పరుగుల లక్ష్యఛేదనలో రాజస్థాన్ రాయల్స్ టీమ్ 14.5 ఓవర్లు ముగిసే సమయానికి 104/4తో నిలిచింది. ఈ దశలో సిమ్రాన్ హెట్‌మెయర్ క్రీజులోకి వెళ్లగా.. రాజస్థాన్‌ని అతను గెలిపించగలడా? అంటూ మాట్లాడిన సునీల్ గవాస్కర్ నోరుజారాడు. ఈక్రమంలో హెట్‌మెయర్ భార్య ఇటీవల డెలివరీ అయిన విషయాన్ని కూడా గవాస్కర్ ప్రస్తావించాడు. దాంతో.. నెటిజన్లు మండిపడుతున్నారు.
మ్యాచ్‌లో 7 బంతులాడిన హెట్‌మెయర్ 1x4 సాయంతో 6 పరుగులే చేసి ఔటయ్యాడు. కానీ.. రాజస్థాన్ రాయల్స్ టీమ్ 5 వికెట్ల తేడాతో విజయాన్ని అందుకోగలిగింది. అలానే ఆ టీమ్‌కి ప్లేఆఫ్స్ బెర్తు కూడా ఖరారైంది. తన భార్య ప్రసవ సమయంలో ఆమె చెంత ఉండేందుకు ఇటీవల వెస్టిండీస్‌కి వెళ్లిన హెట్‌మెయర్.. ఈ మ్యాచ్‌కి రెండు రోజుల ముందే భారత్‌కి వచ్చాడు.