ఐపీఎల్ 2023 క్వాలిఫైయర్-1లో గుజరాత్ టైటాన్స్‌ను గెలిపించలేకపోయిన శుభ్‌మన్ గిల్.. క్వాలిఫైయర్-2లో మాత్రం అదరగొట్టాడు. ముంబై ఇండియన్స్‌ బౌలర్లను ఊచకోత కోసిన గిల్.. 7 ఫోర్లు, 10 సిక్సులతో 60 బంతుల్లోనే 129 పరుగులు చేశాడు. దీంతో గుజరాత్ టైటాన్స్ 20 ఓవర్లలో 3 వికెట్ల నష్టానికి 233 పరుగుల భారీ స్కోరు చేసింది. ముంబై ఇండియన్స్‌పై అద్భుత శతకంతో గుజరాత్ టైటాన్స్‌ను ఫైనల్ చేర్చిన శుభ్‌మన్ గిల్ ఈ క్రమంలో అనేక రికార్డులను బద్దలుకొట్టాడు. ఆ రికార్డులేంటో ఓసారి చూద్దాం..
* ఐపీఎల్ ప్లేఆఫ్స్ ఇన్నింగ్స్‌లో అత్యధిక సిక్సులు కొట్టిన ఆటగాడిగానూ గిల్ రికార్డ్ సృష్టించాడు. ముంబైపై గిల్ ఏకంగా పది సిక్సులు బాదాడు. ఇంతకు ముందు సాహా, గేల్, సెహ్వాగ్, వాట్సన్ 8 సిక్సుల చొప్పున బాదారు.
* ఓ ఐపీఎల్ సీజన్లో అత్యధిక పరుగులు చేసిన క్రికెటర్ల జాబితాలో గిల్ మూడో స్థానానికి చేరుకున్నాడు. 2016లో విరాట్ కోహ్లి 973 పరుగులు చేయగా.. 2022లో జోస్ బట్లర్ 863 రన్స్ చేశాడు. గిల్ ఈ సీజన్లో ఇప్పటి వరకూ 851 రన్స్ చేశాడు. డేవిడ్ వార్నర్ 2016లో 848 రన్స్ చేశాడు. ఐపీఎల్ సీజన్లో అత్యధిక పరుగులు చేసిన రెండో ఆటగాడిగా గిల్ నిలిచే అవకాశం ఉంది.
* ఈ ఐపీఎల్ సీజన్లో గిల్‌కు ఇది మూడో శతకం కాగా.. అహ్మదాబాద్‌లోనే రెండో శతకం కావడం గమనార్హం. ఈ మూడు శతకాలు కూడా ఆరు ఇన్నింగ్స్‌ల్లోనే చేయడం విశేషం. లక్నోతో మ్యాచ్‌లో గిల్ (94*) సెంచరీకి కొద్ది దూరంలో అజేయంగా నిలిచాడు. ఫైనల్లోనూ గిల్ సెంచరీ చేస్తే ఓ సీజన్లో అత్యధిక సెంచరీలు చేసిన ఆటగాడిగా కోహ్లి, బట్లర్ సరసన నిలుస్తాడు.
* గిల్ వీరవిహారంతో ఐపీఎల్ ప్లేఆఫ్స్‌లో అత్యధిక పరుగులు చేసిన జట్టుగా గుజరాత్ టైటాన్స్ నిలిచింది. ఇంతకు ముందు 2014లో చెన్నైపై పంజాబ్ కింగ్స్ 226/6 చేసింది.
* ఐపీఎల్‌లో వందకుపైగా బౌండరీలు (ఫోర్లు, సిక్సులు) బాదిన నాలుగో భారత క్రికెటర్ గిల్ (111). విరాట్ కోహ్లి (122) మాత్రమే అతడి కంటే ముందున్నాడు. ఈ సీజన్లోనే యశస్వి జైస్వాల్ 108 బౌండరీలు బాదాడు. 2018లో రిషబ్ పంత్ 105 బౌండరీలు కొట్టాడు.
* ఐపీఎల్ ప్లేఆఫ్స్ ఇన్నింగ్స్‌లో అత్యధిక సిక్సులు కొట్టిన ఆటగాడిగానూ గిల్ రికార్డ్ సృష్టించాడు. ముంబైపై గిల్ ఏకంగా పది సిక్సులు బాదాడు. ఇంతకు ముందు సాహా, గేల్, సెహ్వాగ్, వాట్సన్ 8 సిక్సుల చొప్పున బాదారు.
* ఓ ఐపీఎల్ సీజన్లో అత్యధిక పరుగులు చేసిన క్రికెటర్ల జాబితాలో గిల్ మూడో స్థానానికి చేరుకున్నాడు. 2016లో విరాట్ కోహ్లి 973 పరుగులు చేయగా.. 2022లో జోస్ బట్లర్ 863 రన్స్ చేశాడు. గిల్ ఈ సీజన్లో ఇప్పటి వరకూ 851 రన్స్ చేశాడు. డేవిడ్ వార్నర్ 2016లో 848 రన్స్ చేశాడు. ఐపీఎల్ సీజన్లో అత్యధిక పరుగులు చేసిన రెండో ఆటగాడిగా గిల్ నిలిచే అవకాశం ఉంది.
* ఈ ఐపీఎల్ సీజన్లో గిల్‌కు ఇది మూడో శతకం కాగా.. అహ్మదాబాద్‌లోనే రెండో శతకం కావడం గమనార్హం. ఈ మూడు శతకాలు కూడా ఆరు ఇన్నింగ్స్‌ల్లోనే చేయడం విశేషం. లక్నోతో మ్యాచ్‌లో గిల్ (94*) సెంచరీకి కొద్ది దూరంలో అజేయంగా నిలిచాడు. ఫైనల్లోనూ గిల్ సెంచరీ చేస్తే ఓ సీజన్లో అత్యధిక సెంచరీలు చేసిన ఆటగాడిగా కోహ్లి, బట్లర్ సరసన నిలుస్తాడు.
* గిల్ వీరవిహారంతో ఐపీఎల్ ప్లేఆఫ్స్‌లో అత్యధిక పరుగులు చేసిన జట్టుగా గుజరాత్ టైటాన్స్ నిలిచింది. ఇంతకు ముందు 2014లో చెన్నైపై పంజాబ్ కింగ్స్ 226/6 చేసింది.
* ఐపీఎల్‌లో వందకుపైగా బౌండరీలు (ఫోర్లు, సిక్సులు) బాదిన నాలుగో భారత క్రికెటర్ గిల్ (111). విరాట్ కోహ్లి (122) మాత్రమే అతడి కంటే ముందున్నాడు. ఈ సీజన్లోనే యశస్వి జైస్వాల్ 108 బౌండరీలు బాదాడు. 2018లో రిషబ్ పంత్ 105 బౌండరీలు కొట్టాడు.