Image Courtesy: BCCI
ఐపీఎల్లోకి సన్రైజర్స్ హైదరాబాద్ మాజీ కెప్టెన్ డేవిడ్ వార్నర్ పునరాగమనం అదిరింది. బాల్ టాంపరింగ్ ఉదంతంలో ఏడాది నిషేధం వేటు పడటంతో ఐపీఎల్ 2018 సీజన్కి దూరమైన డేవిడ్ వార్నర్ (85: 53 బంతుల్లో 9x4, 3x6) .. ఈరోజు మళ్లీ ఐపీఎల్లోకి పునరాగమనం చేశాడు. కోల్కతా నైట్రైడర్స్తో ఈరోజు జరుగుతున్న తొలి మ్యాచ్లో ఓపెనర్గా బరిలోకి దిగిన డేవిడ్ వార్నర్ కేవలం 31 బంతుల్లోనే 8x4, 1x6 సాయంతో 50 పరుగుల మైలురాయిని అందుకున్నాడు. ఐపీఎల్ కెరీర్లో వార్నర్కి ఇది 40వ అర్ధశతకం. మ్యాచ్లో ఓపెనర్ జానీ బెయిర్స్టో (39: 35 బంతుల్లో 3x4, 1x6)తో కలిసి తొలి వికెట్కి 118 పరుగుల భాగస్వామ్యం నెలకొల్పిన వార్నర్.. సన్రైజర్స్కి మెరుపు ఆరంభాన్నిచ్చాడు.
ఐపీఎల్ చరిత్రలో అత్యధిక హాఫ్ సెంచరీలు బాదిన క్రికెటర్గానూ వార్నర్ ప్రస్తుతం అగ్రస్థానంలో కొనసాగుతున్నాడు. అతని తర్వాత ఈ రికార్డ్లో 38 హాఫ్ సెంచరీలతో కోహ్లీ రెండో స్థానంలో కొనసాగుతుండగా.. ఆ తర్వాత 36 అర్ధశతకాలతో రైనా, రోహిత్ మూడో స్థానంలో కొనసాగుతున్నారు.
సన్రైజర్స్ హైదరాబాద్కి కెప్టెన్గా 2016లో టైటిల్ను అందించిన డేవిడ్ వార్నర్కు.. ఈ ఏడాది మళ్లీ కెప్టెన్సీ బాధ్యతలు అప్పగిస్తారని అంతా భావించారు. కానీ.. నిషేధం, విమర్శల నేపథ్యంలో.. అతనిపై కెప్టెన్సీ రూపంలో అదనపు భారం మోపకూడదని భావించిన సన్రైజర్స్.. ఓపెనర్గా టోర్నీలో ఆడిస్తోంది.
ఐపీఎల్లోకి సన్రైజర్స్ హైదరాబాద్ మాజీ కెప్టెన్ డేవిడ్ వార్నర్ పునరాగమనం అదిరింది. బాల్ టాంపరింగ్ ఉదంతంలో ఏడాది నిషేధం వేటు పడటంతో ఐపీఎల్ 2018 సీజన్కి దూరమైన డేవిడ్ వార్నర్ (85: 53 బంతుల్లో 9x4, 3x6) .. ఈరోజు మళ్లీ ఐపీఎల్లోకి పునరాగమనం చేశాడు.
ఐపీఎల్ చరిత్రలో అత్యధిక హాఫ్ సెంచరీలు బాదిన క్రికెటర్గానూ వార్నర్ ప్రస్తుతం అగ్రస్థానంలో కొనసాగుతున్నాడు. అతని తర్వాత ఈ రికార్డ్లో 38 హాఫ్ సెంచరీలతో కోహ్లీ రెండో స్థానంలో కొనసాగుతుండగా.. ఆ తర్వాత 36 అర్ధశతకాలతో రైనా, రోహిత్ మూడో స్థానంలో కొనసాగుతున్నారు.
సన్రైజర్స్ హైదరాబాద్కి కెప్టెన్గా 2016లో టైటిల్ను అందించిన డేవిడ్ వార్నర్కు.. ఈ ఏడాది మళ్లీ కెప్టెన్సీ బాధ్యతలు అప్పగిస్తారని అంతా భావించారు. కానీ.. నిషేధం, విమర్శల నేపథ్యంలో.. అతనిపై కెప్టెన్సీ రూపంలో అదనపు భారం మోపకూడదని భావించిన సన్రైజర్స్.. ఓపెనర్గా టోర్నీలో ఆడిస్తోంది.