Harry Brook Century : ఐపీఎల్ 2023లో సన్రైజర్స్ హైదరాబాద్ బ్యాటర్ హారీ బ్రూక్ (Harry Brook) విధ్వంసక శతకం బాదేశాడు. ఈడెన్ గార్డెన్స్ వేదికగా శుక్రవారం రాత్రి కోల్కతా నైట్రైడర్స్(Kolkata Knight Riders)తో జరుగుతున్న మ్యాచ్లో హారీ బ్రూక్ (100 నాటౌట్: 55 బంతుల్లో 12x4, 3x6) సెంచరీ కొట్టడంతో.. టాస్ ఓడి మొదట బ్యాటింగ్ చేసిన సన్రైజర్స్ హైదరాబాద్ (Sunrisers Hyderabad) టీమ్ 4 వికెట్ల నష్టానికి 228 పరుగులు చేసింది. హారీ బ్రూక్తో పాటు కెప్టెన్ ఆడెన్ మార్క్రమ్ (50: 26 బంతుల్లో 2x4, 5x6) కూడా మెరిశాడు. కోల్కతా బౌలర్లలో ఆండ్రీ రసెల్ 3 వికెట్లు పడగొట్టగా.. వరుణ్ చక్రవర్తి ఒక వికెట్ తీశాడు.
మ్యాచ్లో టాస్ గెలిచిన కోల్కతా కెప్టెన్ నితీశ్ రాణా ఫీల్డింగ్ ఎంచుకున్నాడు. దాంతో హారీబ్రూక్తో కలిసి హైదరాబాద్ ఇన్నింగ్స్ని స్టార్ట్ చేసిన మయాంక్ అగర్వాల్ (9: 13 బంతుల్లో) తక్కువ స్కోరుకే ఔటైపోయాడు. కానీ.. తొలి మూడు మ్యాచ్ల్లో కేవలం 29 పరుగులే చేసిన హారీ బ్రూక్ ఈరోజు మ్యాచ్లో ఆకాశమే హద్దుగా చెలరేగిపోయాడు. మ్యాచ్లో తాను ఎదుర్కొన్న మొదటి బంతికే బౌండరీ బాదిన ఈ ఇంగ్లాండ్ బ్యాటర్.. ఆ తర్వాత ఏ బౌలర్నీ వదల్లేదు. మధ్యలో రాహుల్ త్రిపాఠి (9) ఔటైపోయినా.. కెప్టెన్ మార్క్రమ్ నుంచి అతనికి మంచి సపోర్ట్ లభించింది. టీమ్ స్కోరు 129 వద్ద మార్క్రమ్ కూడా ఔటైపోయాడు. కానీ.. నెం.5లో వచ్చిన అభిషేక్ శర్మ (32: 17 బంతుల్లో 3x4, 2x6).. హారీ బ్రూక్తో పోటీపడి బౌండరీలు కొట్టడంతో హైదరాబాద్ స్కోరు బోర్డు పరుగులు పెట్టింది. స్లాగ్ ఓవర్లలో దూకుడు మరింత పెంచిన హారీ బ్రూక్ 55 బంతుల్లో సెంచరీ మార్క్ని అందుకున్నాడు. ఐపీఎల్ వేలంలో రూ.13.25 కోట్లకి హైదరాబాద్ కొనుగోలు చేయగా.. ఐపీఎల్లో బ్రూక్కి ఇదే మొదటి సెంచరీ. లాస్ట్లో హెన్రిచ్ క్లాసెన్ (16 నాటౌట్: 6 బంతుల్లో 2x4, 1x6) కూడా విలువైన పరుగులు చేశాడు. దాంతో హైదరాబాద్ 228 పరుగుల భారీ స్కోరుని అందుకోగలిగింది. చివరి 5 ఓవర్లలోనే హైదరాబాద్ 71 పరుగులు చేయడం విశేషం.
Read Latest Sports News, Cricket News, Telugu News, IPL 2023 News
మ్యాచ్లో టాస్ గెలిచిన కోల్కతా కెప్టెన్ నితీశ్ రాణా ఫీల్డింగ్ ఎంచుకున్నాడు. దాంతో హారీబ్రూక్తో కలిసి హైదరాబాద్ ఇన్నింగ్స్ని స్టార్ట్ చేసిన మయాంక్ అగర్వాల్ (9: 13 బంతుల్లో) తక్కువ స్కోరుకే ఔటైపోయాడు. కానీ.. తొలి మూడు మ్యాచ్ల్లో కేవలం 29 పరుగులే చేసిన హారీ బ్రూక్ ఈరోజు మ్యాచ్లో ఆకాశమే హద్దుగా చెలరేగిపోయాడు. మ్యాచ్లో తాను ఎదుర్కొన్న మొదటి బంతికే బౌండరీ బాదిన ఈ ఇంగ్లాండ్ బ్యాటర్.. ఆ తర్వాత ఏ బౌలర్నీ వదల్లేదు. మధ్యలో రాహుల్ త్రిపాఠి (9) ఔటైపోయినా.. కెప్టెన్ మార్క్రమ్ నుంచి అతనికి మంచి సపోర్ట్ లభించింది.
Read Latest Sports News, Cricket News, Telugu News, IPL 2023 News