RCB vs SRH IPL Score: బెంగళూరుపై ఫీల్డింగ్ ఎంచుకున్న హైదరాబాద్

ఐపీఎల్ 2020 సీజన్‌లో భాగంగా రాయల్ ఛాలెంజర్స్ బెంగళూరుతో సోమవారం రాత్రి జరుగుతున్న మ్యాచ్‌లో టాస్ గెలిచిన సన్‌రైజర్స్ హైదరాబాద్ కెప్టెన్ డేవిడ్ వార్నర్ ఫీల్డింగ్ ఎంచుకున్నాడు. దుబాయ్ స్టేడియం పరిసరాల్లో రాత్రి మంచు కురిసే అవకాశం ఉండటం.. పిచ్‌ ఛేదనకి అనుకూలంగా కనిపించడంతో వార్నర్ ఈ నిర్ణయం తీసుకున్నట్లు తెలుస్తోంది. రెండేళ్ల తర్వాత సన్‌రైజర్స్‌ని కెప్టెన్‌గా డేవిడ్ వార్నర్ నడిపిస్తున్నాడు. 2018‌లో బాల్ టాంపరింగ్ కారణంగా నిషేధం పడటంతో టోర్నీకి దూరమైన డేవిడ్ వార్నర్.. 2019కి తిరిగి జట్టులోకి వచ్చినా.. అతనికి కెప్టెన్సీ దక్కలేదు. కేన్ విలియమ్సన్ ఆ రెండు సీజన్లకి కెప్టెన్‌గా ఉన్నాడు.

ఓపెనర్/ వికెట్ కీపర్ పార్థీవ్ పటేల్‌పై వేటు వేసిన బెంగళూరు.. ఆల్‌రౌండర్ క్రిస్‌ మోరీస్‌ని కూడా పక్కన పెట్టింది. మరోవైపు సన్‌రైజర్స్ హైదరాబాద్ కూడా అఫ్గానిస్థాన్ స్పిన్నర్ మహ్మద్ నబీని పక్కనపెట్టింది.

సన్‌రైజర్స్ హైదరాబాద్: డేవిడ్ వార్నర్ (కెప్టెన్), జానీ బెయిర్‌‌స్టో (వికెట్ కీపర్), మనీశ్ పాండే, విజయ్ శంకర్, మిచెల్ మార్ష్, ప్రియమ్ గార్గె, అభిషేక్ శర్మ, రషీద్ ఖాన్, భువనేశ్వర్ కుమార్, సందీప్ శర్మ, టి. నటరాజన్

రాయల్ ఛాలెంజర్స్ బెంగళూరు టీమ్: అరోన్ ఫించ్, పడ్డికల్, విరాట్ కోహ్లీ (కెప్టెన్), ఏబీ డివిలియర్స్, జోస్ ఫిలిప్పీ (వికెట్ కీపర్), శివమ్ దూబే, వాషింగ్టన్ సుందర్, ఉమేశ్ యాదవ్, నవదీప్ సైనీ, డేల్ స్టెయిన్, చాహల్



ఐపీఎల్ 2019 సీజన్‌లో ఈ రెండు జట్లు రెండు సార్లు తలపడగా.. చెరొక మ్యాచ్‌లో గెలుపొందాయి. అయితే.. అప్పట్లో ఫస్ట్ మ్యాచ్‌లో సన్‌రైజర్స్ హైదరాబాద్ ఓపెనర్లు జానీ బెయిర్ స్టో (114), డేవిడ్ వార్నర్ (100) శతకాలు బాదడంతో తొలుత బ్యాటింగ్ చేసిన ఆ జట్టు 2 వికెట్ల నష్టానికి 231 పరుగులు చేయగా.. ఛేదనలో బెంగళూరు పేలవంగా 112 పరుగులకే ఆలౌటైంది. ఇక రెండో మ్యాచ్‌లో మొదట బ్యాటింగ్ చేసిన హైదరాబాద్ 7 వికెట్ల నష్టానికి 175 పరుగులు చేయగా.. లక్ష్యాన్ని బెంగళూరు 19.2 ఓవర్లలోనే 178/6తో ఛేదించింది. ఈ రెండు మ్యాచ్‌ల్లోనూ విరాట్ కోహ్లీ 3, 16 పరుగులతో నిరాశపరిచాడు.



Sunrisers Hyderabad (Playing XI): David Warner(c), Jonny Bairstow(w), Manish Pandey, Vijay Shankar, Mitchell Marsh, Priyam Garg, Abhishek Sharma, Rashid Khan, Bhuvneshwar Kumar, Sandeep Sharma, T Natarajan

Royal Challengers Bangalore (Playing XI): Aaron Finch, Devdutt Padikkal, Virat Kohli(c), AB de Villiers, Josh Philippe(w), Shivam Dube, Washington Sundar, Umesh Yadav, Navdeep Saini, Dale Steyn, Yuzvendra Chahal