SRH vs KKR: హారీ బ్రూక్‌పై సన్‌రైజర్స్ వేటు వేయబోతోందా? తుది జట్టు ఇలా

సన్‌రైజర్స్ హైదరాబాద్ (Sunrisers Hyderabad) జట్టులోకి భారీ అంచనాల నడుమ అడుగుపెట్టిన హారీ బ్రూక్ (Harry Brook).. ఐపీఎల్ 2023(IPL 2023)లో వరుసగా ఆడిన మూడు మ్యాచ్‌ల్లోనూ ఫెయిలయ్యాడు. అతని బ్యాటింగ్ ఆర్డర్ మార్చి చివరికి ఓపెనర్‌గా పంపినా సన్‌రైజర్స్ టీమ్ మేనేజ్‌మెంట్‌కి నిరాశ తప్పలేదు. ఐపీఎల్ 2023 వేలంలో రూ.13.25 కోట్లకి ఈ ఇంగ్లాండ్ ప్లేయర్‌ని సన్‌రైజర్స్ హైదరాబాద్ ఫ్రాంఛైజీ కొనుగోలు చేసింది. కానీ ఇప్పటి వరకు చెప్పుకోదగ్గ ఇన్నింగ్స్ ఒక్కటీ ఆడలేదు. పాకిస్థాన్ గడ్డపై గత ఏడాది చివర్లో పరుగుల మోత మోగించేసిన హారీ బ్రూక్.. వన్డే, టెస్టులతో పాటు టీ20ల్లోనూ సత్తాచాటాడు. దాంతో వేలంలో అతని కోసం చాలా ఫ్రాంఛైజీలు పోటీపడినా చివరి వరకూ పట్టువదలని హైదరాబాద్‌ భారీ ధరకి దక్కించుకుంది. కానీ.. ఈ 24 ఏళ్ల పవర్ హిట్టర్ ఐపీఎల్ 2023లో మూడు మ్యాచ్‌లాడి కేవలం 29 పరుగులే చేశాడు. దాంతో ఈరోజు కోల్‌కతా నైట్‌రైడర్స్‌తో జరగబోతున్న మ్యాచ్‌లో అతనిపై వేటు వేయాలని సన్‌రైజర్స్ అభిమానులు డిమాండ్ చేస్తున్నారు. ఈ మ్యాచ్‌కి కోల్‌కతాలోని ఈడెన్ గార్డెన్స్ ఆతిథ్యం ఇవ్వనుంది.

హారీ బ్రూక్‌ ఫామ్‌ ఆందోళనకరంగా ఉన్నా.. సన్‌రైజర్స్ హైదరాబాద్ టీమ్ మేనేజ్‌మెంట్ మాత్రం అతనిపై విశ్వాసం ఉంచుతోంది. దాంతో ఈరోజు మ్యాచ్‌లోనూ హారీ బ్రూక్‌కి తుది జట్టులో చోటివ్వబోతున్నట్లు తెలుస్తోంది. ఈడెన్ గార్డెన్స్ పిచ్ బ్యాటింగ్‌కి అనుకూలమనే వార్తలు వస్తుండటం కూడా అందుకు ఓ కారణంగా తెలుస్తోంది.

సన్‌రైజర్స్ హైదరాబాద్ తుది జట్టు (అంచనా): మయాంక్ అగర్వాల్, రాహుల్ త్రిపాఠి, హారీ బ్రూక్, ఆడెన్ మర్‌క్రమ్ (కెప్టెన్), వాషింగ్టన్ సుందర్, మార్కో జాన్‌సెన్, హెన్రిచ్ క్లాసెన్ (వికెట్ కీపర్), ఉమ్రాన్ మాలిక్, భువనేశ్వర్ కుమార్, టి. నటరాజన్, మయాంక్ మార్కండే.

Read Latest Sports News, Cricket News, Telugu News, IPL 2023 News