Sunil Gavaskar అనుచిత వ్యాఖ్యలు.. అనుష్క శర్మ ఘాటైన సమాధానం

పంజాబ్‌తో జరిగిన మ్యాచ్‌‌లో కోహ్లి వైఫల్యంపై సునీల్ గావస్కర్ చేసిన కామెంట్ చిలికి చిలికి గాలి వానలా మారుతోంది. తనపై అనుచిత వ్యాఖ్యలు చేసిన గావస్కర్‌కు అనుష్క శర్మ ఘాటైన సమాధానం ఇచ్చింది. ‘గవాస్కర్ మీ మెసేజ్ అగౌరవపర్చేలా ఉంది. భర్త ఆటకు భార్యపై ఆరోపణలు చేస్తారా? అంటూ అనుష్క ప్రశ్నించింది.

‘‘చాలా ఏళ్లుగా క్రికెట్ కామెంట్రీ చెబుతున్న మీరు... ఆటగాళ్ల వ్యక్తిగత జీవితాన్ని గౌరవించి ఉంటారు. నాకు, కోహ్లికి కూడా ఇలాగే గౌరవం ఇవ్వాలని మీరు భావించలేదా? నా భర్త ఆటతీరు గురించి మాట్లాడానికి మీ మనసులో మరెన్నో పదాలు ఉంటాయని తెలుసు.

ఇది 2020 కానీ నా విషయంలో మాత్రం మారలేదు. క్రికెట్ విషయంలో నన్ను లాగడం ఎప్పుడు మానుకుంటారు. నాపై అభ్యంతర కామెంట్లు చేయడం ఎప్పుడు వదిలేస్తారు. గౌరవనీయులైన గావస్కర్... మీరో లెజెండ్.. క్రికెట్లో మీరెంతో ఖ్యాతిని ఆర్జించారు. మీరు ఇలా చెప్పడం వినగానే నాకెంతో బాధేసిందని చెప్పాలనుకుంటున్నా’’ అని అనుష్క శర్మ తన ఇన్‌స్టాగ్రామ్ స్టోరీ ద్వారా సమాధానం ఇచ్చారు.

కింగ్స్ ఎలెవన్ పంజాబ్‌తో మ్యాచ్‌లో కోహ్లి ఫీల్డింగ్‌లో, బ్యాటింగ్‌లో విఫలమైన సంగతి తెలిసిందే. దీంతో కామెంట్రీ బాక్స్‌లో ఉన్న గావస్కర్.. కామెంట్రీ చెబుతూ.. లాక్‌డౌన్ సమయంలో అనుష్క బౌలింగ్‌ను మాత్రమే కోహ్లి ఎదుర్కొన్నాడు అంటూ వివాదాస్పద వ్యాఖ్యలు చేశారు. దీంతో కోహ్లి ఫ్యాన్స్ ఆయనపై మండి పడుతున్నారు.