Women's IPL 2019: స్మృతి మంధాన సెంచరీ మిస్.. సూపర్ నోవాస్ టార్గెట్ 141
47 బంతుల్లోనే అర్ధశతకం పూర్తి చేసుకున్నఓపెనర్ స్మృతి మంధాన ఆఖరి ఓవర్ వరకూ క్రీజులో నిలిచి శతకం మార్క్ని కూడా అందుకునేలా కనిపించింది. కానీ.. రాధ యాదవ్.. తెలివిగా ఓపెనర్ని బోల్తా కొట్టించింది.
Samayam Telugu 6 May 2019, 9:40 pm
ప్రధానాంశాలు:
- మహిళల ఐపీఎల్ తొలి మ్యాచ్లోనే స్మృతి మంధాన శతక సమాన ఇన్నింగ్స్
- బౌలింగ్, ఫీల్డింగ్లో తేలిపోయిన సూపర్ నోవాస్ టీమ్
- పది ఫోర్లు, మూడు సిక్సర్లు బాది జట్టుకి మెరుగైన స్కోరు అందించిన స్మృతి
- జైపూర్ వేదికగా మ్యాచ్లు
(Photo: Twitter / @IPL)
పురుషుల తరహాలోనే మహిళా క్రికెటర్లకి కూడా ఐపీఎల్ని నిర్వహించాలని యోచిస్తున్న బీసీసీఐ.. ప్రయోగాత్మకంగా ‘ఉమెన్స్ టీ20 ఛాలెంజ్’ పేరుతో మ్యాచ్ల్ని నిర్వహిస్తోంది. ఈ టోర్నీలో భాగంగా జైపూర్ వేదికగా సోమవారం జరుగుతున్న తొలి మ్యాచ్లోనే ట్రైల్బ్లాజర్స్ ఓపెనర్ స్మృతి మంధాన (90: 67 బంతుల్లో 10x4, 3x6) శతక సమాన ఇన్నింగ్స్తో ఆకట్టుకుంది. దీంతో.. టాస్ ఓడి తొలుత బ్యాటింగ్ చేసిన ట్రైల్బ్లాజర్స్ జట్టు 5 వికెట్ల నష్టానికి 140 పరుగులు చేయగా.. సూపర్ నోవాస్ టీమ్ బౌలర్లు పేలవ బౌలింగ్, ఫీల్డింగ్ కారణంగా భారీగా పరుగులు సమర్పించుకున్నారు. మ్యాచ్లో టాస్ గెలిచిన సూపర్ నోవాస్ కెప్టెన్ హర్మన్ప్రీత్ కౌర్ ఫీల్డింగ్ ఎంచుకుంది. దీంతో.. ఇన్నింగ్స్ ఆరంభించిన ట్రైల్బ్లాజర్స్ టీమ్.. ఆరంభంలోనే ఓపెనర్ సుజీ బేట్స్ (1: 4 బంతుల్లో) వికెట్ చేజార్చుకున్నా.. మరో ఓపెనర్ స్మృతి మంధాన ఆఖరి ఓవర్ వరకూ క్రీజులో నిలిచింది. ఈ క్రమంలో 47 బంతుల్లోనే అర్ధశతకం పూర్తి చేసుకున్న స్మృతి మంధాన.. శతకం మార్క్ని కూడా అందుకునేలా కనిపించింది. కానీ.. ఆఖరి ఓవర్ వేసిన రాధ యాదవ్.. తెలివిగా స్మృతి మంధానాని ఔట్ చేసేసింది. స్మృతి మంధానాతో పాటు ఆ జట్టులో హర్లీన్ డియోల్ (36: 44 బంతుల్లో 3x4) నిలకడగా ఆడింది.
పురుషుల తరహాలోనే మహిళా క్రికెటర్లకి కూడా ఐపీఎల్ని నిర్వహించాలని యోచిస్తున్న బీసీసీఐ.. ప్రయోగాత్మకంగా ‘ఉమెన్స్ టీ20 ఛాలెంజ్’ పేరుతో మ్యాచ్ల్ని నిర్వహిస్తోంది. ఈ టోర్నీలో భాగంగా జైపూర్ వేదికగా సోమవారం జరుగుతున్న తొలి మ్యాచ్లోనే ట్రైల్బ్లాజర్స్ ఓపెనర్ స్మృతి మంధాన (90: 67 బంతుల్లో 10x4, 3x6) శతక సమాన ఇన్నింగ్స్తో ఆకట్టుకుంది. దీంతో.. టాస్ ఓడి తొలుత బ్యాటింగ్ చేసిన ట్రైల్బ్లాజర్స్ జట్టు 5 వికెట్ల నష్టానికి 140 పరుగులు చేయగా.. సూపర్ నోవాస్ టీమ్ బౌలర్లు పేలవ బౌలింగ్, ఫీల్డింగ్ కారణంగా భారీగా పరుగులు సమర్పించుకున్నారు.