ఐపీఎల్ 2021 సీజన్లో ఆడుతుండగానే సన్రైజర్స్ హైదరాబాద్ వికెట్ కీపర్ సాహా కరోనా వైరస్ బారినపడ్డాడు. ఆరంభంలో సాహాని ప్రయోగాత్మక ఓపెనర్గా ఆడించిన హైదరాబాద్ అతను ఫెయిలవడంతో.. తర్వాత రిజర్వ్ బెంచ్కే పరిమితం చేసింది. అయితే.. బెంచ్పై ఉన్నప్పటికీ.. సాహా వైరస్ బారినపడ్డాడు. సాహాకి కరోనా పాజిటివ్గా తేలిన నిమిషాల్లోనే ఐపీఎల్ 2021 సీజన్ని బీసీసీఐ నిరవధికంగా వాయిదా వేసింది. ‘‘కరోనా పాజిటివ్గా తేలగానే చాలా భయపడిపోయా. నేనే కాదు.. నా ఫ్యామిలీ మెంబర్స్ అంతా కూడా చాలా ఆందోళనకి గురయ్యారు. అయితే.. వీడియో కాల్లో మాట్లాడటం ద్వారా.. మళ్లీ వాళ్లలో స్థైర్యం నింపగలిగాను. మే నెల ఆరంభంలో ప్రాక్టీస్ ముగించుకుని హోటల్కి వచ్చిన తర్వాత జలుబు, దగ్గు రావడంతో టీమ్ డాక్టర్కి సమాచారం అందించాను. ఆరోజే క్వారంటైన్లో ఉంచి.. నాకు కరోనా పరీక్ష చేశారు’’ అని సాహా వెల్లడించాడు.
ఐపీఎల్ 2021 సీజన్లో రెండు మ్యాచ్లాడిన సాహా కేవలం 8 పరుగులు మాత్రమే చేశాడు. షెడ్యూల్ ప్రకారం 60 మ్యాచ్లు జరగాల్సి ఉండగా.. టోర్నీ వాయిదా వరకూ 29 మ్యాచ్లు ముగిశాయి. దాంతో.. మిగిలిన 31 మ్యాచ్ల్ని సెప్టెంబరు- అక్టోబరులో నిర్వహించే అవకాశం ఉంది. ఇంగ్లాండ్ క్రికెటర్లు ఐపీఎల్ 2021 సీజన్లో మిగిలిన మ్యాచ్లు ఆడబోరని వార్తలు వస్తుండటంతో.. జానీ బెయిర్స్టో స్థానంలో వికెట్ కీపర్/ ఓపెనర్గా సాహా ఆడే అవకాశం ఉంది.
ఐపీఎల్ 2021 సీజన్లో రెండు మ్యాచ్లాడిన సాహా కేవలం 8 పరుగులు మాత్రమే చేశాడు. షెడ్యూల్ ప్రకారం 60 మ్యాచ్లు జరగాల్సి ఉండగా.. టోర్నీ వాయిదా వరకూ 29 మ్యాచ్లు ముగిశాయి. దాంతో.. మిగిలిన 31 మ్యాచ్ల్ని సెప్టెంబరు- అక్టోబరులో నిర్వహించే అవకాశం ఉంది. ఇంగ్లాండ్ క్రికెటర్లు ఐపీఎల్ 2021 సీజన్లో మిగిలిన మ్యాచ్లు ఆడబోరని వార్తలు వస్తుండటంతో.. జానీ బెయిర్స్టో స్థానంలో వికెట్ కీపర్/ ఓపెనర్గా సాహా ఆడే అవకాశం ఉంది.