RR Vs LSC: లక్నోతో మ్యాచ్‌లో రాజస్థాన్ చేసిన తప్పిదం ఇదే..

ఐపీఎల్-16వ సీజన్ లో ఆల్ రౌండ్ ప్రదర్శనతో ఆకట్టుకుంటున్న రాజస్థాన్ రాయల్స్ జట్టు లక్నో చేతిలో ఓటమిపాలైంది. స్టార్ బ్యాటర్లతో నిండిన జట్టు 155 పరుగుల మోస్తరు లక్ష్యాన్ని చేధించడంలో విఫలమైంది. మంచి ఆరంభాన్ని సద్వినియోగం చేసుకోలేక చతికిలపడింది. విజయానికి 10 పరుగుల దూరంలో నిలిచిపోయింది. అయితే మ్యాచ్‌లో జట్టు తీసుకున్న నిర్ణయాలు ఓటమికి కారణయ్యాయి.

మంచి ఫామ్ లో ఉన్న యువ బ్యాటర్ ధ్రువ్ జురేల్ ను బ్యాటింగ్ ఆర్డర్ లో వెనక్కి పంపడం జట్టుకు చేటు చేసింది. రియాన్ పరాగ్‌‌ను జురేల్ కన్నా ముందు బ్యాటింగ్‌కు పంపించింది. ఫలితంగా ఫలితంగా ఈ సీజన్ లో దాదాపు 200 స్టైక్ రేట్ తో ఆడుతున్న జురేల్ కు కేవలం 3 బంతులు మిగిలి ఉన్నప్పుడు బ్యాటింగ్ చేసేందుకు అవకాశం వచ్చింది. అయితే అప్పటికే సమీకరణం 3 బంతుల్లో 14 పరుగులుగా మారింది. వచ్చీ రాగానే భారీ షాట్ కు ప్రయత్నించిన జురేల్.. బౌండరీ లైన్ దగ్గర హుడా పట్టిన అద్భుత క్యాచ్ కు వెనుదిరిగాడు.

అదే విధంగా మధ్య ఓవర్లలో స్కోరింగ్ రేటు మందగించడం కూడా మ్యాచ్ ఫలితంపై ప్రభావం చూపింది. మధ్య ఓవర్లో 31 బంతుల పాటు బౌండరీ రాకపోవడం.. సాధించాల్సిన రన్ రేటును భారీగా పెంచేసింది. అనవసర పరుగుకు ప్రయత్నించి కెప్టెన్ సంజూ శాంసన్ ఔటవడం కూడా రాజస్థాన్ కు చేటుచేసింది.

Read More Latest Sports News And Telugu News