Sunrisers Hyderabad: సన్‌రైజర్స్ హైదరాబాద్‌‌కు బిగ్ షాక్.. ఈ సీజన్‌కు ఆల్‌రౌండర్ దూరం!

Sunrisers Hyderabad: ఆల్ రౌండర్ వాషింగ్టన్ సుందర్.. తొడ కండరాల గాయంతో భాదపడుతున్నాని సన్ రైజర్స్ హైదరాబాద్ ఫ్రాంచైజీ వెల్లడించింది. ఈ కారణంగా ఆయన ఐపీఎల్ 2023 మొత్తానికి దూరమైనట్టు ప్రకటించింది. వాషింగ్టన్ సుందర్ (Washington Sundar) త్వరగా కోలుకోవాలని ఆశిస్తున్నట్టు ట్వీట్ చేసింది. ఐపీఎల్ 2023లో వాషింగ్టన్ సుందర్.. 7 మ్యాచ్‌లు ఆడాడు. తొలి 6 మ్యాచ్‌ల్లో కనీసం ఒక్క వికెట్ కూడా తీయలేదు. కానీ.. ఇటీవల ఢిల్లీ క్యాపిటల్స్‌తో జరిగిన మ్యాచ్‌లో వాషింగ్టన్ సుందర్.. అదరగొట్టాడు. 24 పరుగులు చేసి.. మూడు వికెట్లు తీశాడు. సన్‌రైజర్స్ హైదరాబాద్‌కు వాషింగ్టన్ సుందర్ దూరమవ్వడం కోలుకోలేని దెబ్బ అనే కామెంట్స్ వినిపిస్తున్నాయి. వాషింగ్టన్ సుందర్‌ను సన్‌రైజర్స్ హైదరాబాద్ రూ.8.75 కోట్ల భారీ ధరకు కొనుగోలు చేసింది. ఐపీఎల్ 2023 (IPL-2023)లో సన్ రైజర్స్ హైదరాబాద్ మొత్తం ఏడు మ్యాచ్‌లు ఆడింది. ఇందులో రెండింటిలో మాత్రమే గెలిచి.. పాయింట్స్ టేబుల్‌లో 9వ స్థానంలో ఉంది. సన్‌రైజర్స్ ప్లే ఆఫ్స్ చేరాలంటే మిగిలిన 7 మ్యాచ్‌ల్లో కనీసం 5 మ్యాచ్‌లు గెలవాల్సి ఉంటుంది.