​ 115 పరుగుల భాగస్వామ్యానికి తెర..!

శ్రీలంకతో మొహాలి వేదికగా జరుగుతున్న రెండో వన్డేలో భారత్ జట్టు తొలి వికెట్ కోల్పోయింది. ఇన్నింగ్స్‌ 22వ ఓవర్ వేసిన స్పిన్నర్ పతిరన బౌలింగ్‌లో ఓపెనర్ శిఖర్ ధావన్ (68: 67 బంతుల్లో 9x4) బంతిని స్వీప్‌ చేయబోయి ఫీల్డర్ తిరుమానెకి చిక్కాడు. దీంతో 115 పరుగుల తొలి వికెట్ భాగస్వామ్యానికి తెరపడింది. ప్రస్తుతం క్రీజులో కెప్టెన్ రోహిత్ శర్మ, శ్రేయాస్ అయ్యర్ ఉన్నారు.

లెగ్‌ వికెట్‌‌ని లక్ష్యంగా చేసుకుని పతిరన బంతిని విసరగా.. పాదం కదలికతో ధావన్ బంతిని షార్ట్ మిడ్‌ వికెట్‌ దిశగా బౌండరీకి తరలించేందుకు ప్రయత్నించాడు. కానీ.. తన పక్క నుంచి వెళ్తున్న బంతిని అద్భుత రీతిలో డైవ్ చేస్తూ తిరుమానె క్యాచ్‌గా అందుకుని అందర్నీ ఆశ్చర్యపరిచాడు. తొలి వన్డేలో శిఖర్ ధావన్ డకౌటైన విషయం తెలిసిందే.