వంద ఓవర్లు బౌలింగ్ చేసిన చెక్కుచెదరని బంతి!

మాములుగా క్రికెట్ బంతి టెస్టుల్లోనైతే 80 ఓవర్లపాటు మన్నుతుంది. అదే వన్డేల్లోనైతే 50 ఓవర్లకు ఓసారి మారుస్తారు. కానీ నిరంతరాయంగా 100 ఓవర్ల కంటే ఎక్కువగా బౌలింగ్ చేయగలిగే సరికొత్త బంతిని ఢిల్లీకి చెందిన ఆర్కిటెక్ట్ అనిరుద్ధ చతుర్వేది తయారు చేశారు. తర్వాత కూడా ఈ బంతిని ప్రాక్టీస్ సెషన్లో వాడుకోవచ్చని చెబుతున్నారు. 300 ఓవర్లపాటు ఈ బంతితో ఆడినా.. దాని లోపలి భాగం చెక్కుచెదరని చెబుతున్నారు.

అనురాగ్ సింగ్, క్రికెట్ కోచ్ రాకేశ్ రాయ్‌లతో కలిసి మూడేళ్ల పరిశోధించి ఈ బంతిని తయారు చేశామని అనిరుద్ధ్ చెప్పారు. ఈ బంతికి 100 ఓవర్స్ బై ఏజే అండ్ యాసిడ్ అని పేరుపెట్టారు. ఈ సరికొత్త బంతిని అనురాగ్ సింగ్‌కు చెందిన ఏజే క్రికెట్ బాల్స్ కంపెనీ ఉత్పత్తి చేయనుంది. ఈ సంస్థ గతంలో వీరేంద్ర సెహ్వాగ్‌ కోసం బ్యాట్‌ను రూపొందించింది. సరికొత్త బంతిని రూ.850 చొప్పున విక్రయిస్తామని చెప్పింది.

ఈ బంతిని రబ్బర్, కార్క్, లెదర్‌‌ను ప్రత్యేకంగా ప్రాసెస్ చేసి చక్కటి నాణ్యతతో రూపొందించారు. ఈ బంతి తయారీ కోసం టైలర్లకు ప్రత్యేక శిక్షణ ఇచ్చారు. మూడేళ్ల శ్రమకు ఇది ఫలితమని అనిరుధ్ విజయ కర్ణాటకతో చెప్పారు. ఈ నెలాఖరు నుంచి ఈ బంతిని దేశ విదేశాల్లోని క్రికెట్ అకాడమీలకు అందించనున్నారు.

To Read this Story in Kannada: Click Here