డోప్ టెస్టులో పాకిస్థాన్ ఓపెనర్ ఫెయిల్..!

పాకిస్థాన్ ఓపెనర్ అహ్మద్ షెజాద్ డోప్ టెస్టులో ఫెయిలయ్యాడు. గత ఏప్రిల్-మే నెలలో జరిగిన పాకిస్థాన్ కప్‌ వన్డే టోర్నమెంట్‌‌ సమయంలో అహ్మద్ షెజాద్‌ నుంచి శాంపిల్స్‌ను సేకరించిన వాడా వాటిని పరీక్షంచగా పాజిటివ్‌ వచ్చినట్లు పాకిస్థాన్ క్రికెట్ బోర్డు (పీసీబీ) తాజాగా వెల్లడించింది. దీంతో షెజాద్‌పై మూడు లేదా ఆరు నెలల సస్పెన్షన్‌ వేటు పడనుంది.

పాకిస్థాన్‌ తరఫున 13 టెస్టులు, 81 వన్డేలతో పాటు 57 టీ20 మ్యాచ్‌లాడిన 26 ఏళ్ల అహ్మద్ షెజాద్.. అనతికాలంలోనే జట్టులో కీలక ఆటగాడిగా ఎదిగాడు. కానీ.. తాజాగా డోప్ టెస్టులో ఫెయివడం ఈ ఓపెనర్ కెరీర్‌పై ప్రభావం చూపనుంది. 2016, ఫిబ్రవరిలో ఇలానే డోప్ టెస్టులో ఫెయిలైన పాకిస్థాన్ స్పిన్నర్ యాసిర్ షాను అంతర్జాతీయ క్రికెట్ కౌన్సిల్ (ఐసీసీ) మూడు నెలలు బ్యాన్ చేసింది.