సర్రే జట్టుకి కోహ్లి.. ఇంగ్లాండ్ లేడీ క్రికెటర్ హ్యాపీ..

టీమిండియా కెప్టెన్ విరాట్ కోహ్లి తొలిసారి కౌంటీ క్రికెట్ ఆడబోతున్నాడు. సర్రే తరఫున జూన్‌లో కౌంటీల్లో అడుగుపెట్టబోతున్నాడు. ఇంగ్లాండ్‌తో టెస్టు సిరీస్ ఆరంభానికి ముందు కోహ్లికి ఇది వార్మప్‌లా ఉపయోగపడనుంది. కోహ్లి తమ జట్టుతో చేరుతున్నాడని సర్రే యాజమాన్యం ఇటీవలే ప్రకటించింది. ఇప్పటికే భారత్ తరఫున ఛటేశ్వర్ పుజారా (యార్క్‌షైర్), ఇషాంత్ శర్మ (ససెక్స్), వరుణ్ ఆరోన్ (లిసెస్టర్‌షైర్) తరఫున కౌంటీల్లో ఆడుతున్నారు.

విరాట్ కోహ్లి జూన్ నెల మొత్తం సర్రే తరఫున ఆడనున్నాడు. కోహ్లి కౌంటీల్లో ఆడనుండటంపై ఇంగ్లాండ్ మహిళా క్రికెటర్ అలెగ్జెండ్రా హార్ట్‌లీ తెగ సంతోషపడిపోతోంది.

వావ్.. వెల్‌కమ్ టూ యూకే కోహ్లి. సర్రే తరఫున ఆడబోతుండటాన్ని నమ్మలేకపోతున్నా. వెల్‌కమ్ కోహ్లి అంటూ ఈ లేడీ క్రికెటర్ ట్వీట్ చేసింది. విరాట్ అంటే తెగ అభిమానం చూపే అలెగ్జెండ్రా.. ఐపీఎల్‌లోనూ కోహ్లి నాయకత్వంలోని ఆర్‌సీబీకి సపోర్ట్ చేస్తోంది.